hui muddat ki ghalib mar gaya par yaad aata hai vo har ik baat par kehna ki yuñ hota to kya hota

haseen ladkiyaan khushbooen chaandni raatein aur inke baad bhi aisi sadri hui duniya

ik saal gaya ik saal naya hai aane ko par vaqt ka ab bhi hosh nahin deewane ko

chalti phirti hui aankhoñ se azaan dekhi hai main ne jannat to nahin dekhi hai maa dekhi hai

ik aur kitaab khatm ki phir us ko faad kar kaaghaz ka ik jahaaz banaya khushi hui

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

maqtal-e-shauq ke aadaab niraale hain bahut dil bhi qaateel ko diya karte hain sar se pahle

ye teraa gulistaan teraa chaman kab meri nava ke qaabil hai naghma mira apne daaman men aap apna gulistaan laata hai

daaman jhatak ke vaadi-e-gham se guzar gaya uth uth ke dekhti rahi gard-e-safar mujhe

ye may-kada hai yahaañ hain gunaah jaam-b-dast vo madrasa hai vo masjid vahaañ milega savaab