maana ki teri deed ke qaabil nahin hooñ main tu miraa shauq dekh miraa intizaar dekh

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

tum meri taraf dekhna chhodo to bataaun har shaKHs tumhaari hi taraf dekh raha hai

main unhin aabaadiyon men jee raha hota kahii tum agar hanste nahin us din meri taqdeer par

teri KHataa nahin jo tu ghusse men aa gaya paise ka zom tha tere lahje men aa gaya sikka uchaalkar ke tere paas kya bacha teraa guroor to mere kaanse men aa gaya

maqtal-e-shauq ke aadaab niraale hain bahut dil bhi qaateel ko diya karte hain sar se pahle

ye may-kada hai yahaañ hain gunaah jaam-b-dast vo madrasa hai vo masjid vahaañ milega savaab

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

pyaas jahaan ki ek biyaabaan teri sakhaawat shabnam hai pee ke utha jo bazm se teri aur bhi tishna-kaam utha

bahut barbaad hain lekin sada-e-inqilaab aa.e wahin se vo pukaar uthega jo zarra jahaan hogaa