shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

maana ki teri deed ke qaabil nahin hooñ main tu miraa shauq dekh miraa intizaar dekh

pooch lete vo bas mizaaj mira kitna aasaan tha ilaaj mira

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

isee li.e to yahaañ ab bhi ajnabi hooñ main tamaam log farishte hain aadmi hooñ main

KHuda kii us ke gale men ajeeb qudrat hai vo bolta hai to ik raushni sii hoti hai

saath sanduqon men bhar kar dafn kar do nafratein aaj insaan ko mohabbat kii zaroorat hai bahut

ye shabnami lahjaa hai aahista ghazal padhna titli ki kahaanii hai phoolon ki zabaani hai

raat ka intezar kaun kare aaj kal din men kya nahin hota