ik roz khel khel men ham us ke ho ga.e aur phir tamaam umr kisi ke nahin hue

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

aaKHir ko hañs padenge kisi ek baat par rona tamaam umr ka be-kaar jaayega

roshni badhne lagii hai shahar ki chaand chat par aa gaya hai dekhiye

dekho to chashm-e-yaar ki jadoo-nigaahiyaan behosh ik nazar men hui anjuman tamaam

she'r dar-asl hain vahii hasrat sunte hi dil men jo utar jaayen

nahin aati to yaad unki maheenon tak nahin aati magar jab yaad aate hain to akshar yaad aate hain

chupke chupke raat din aañsu bahaana yaad hai ham ko ab tak aashiqi ka vo zamaana yaad hai

paigham-e-hayat-e-javedaan tha har naghma-e-krishna baansuri ka