maana ki teri deed ke qaabil nahin hooñ main tu miraa shauq dekh miraa intizaar dekh

gulaab KHvaab davaa zahar jaam kya kya hai main aa gaya hooñ bataa intizaam kya kya hai

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

hazaaron saal nargis apni be-noori pe roti hai badi mushkil se hota hai chaman men deeda-war paida

har-chand e'tibaar men dhoke bhi hain magar ye to nahin kisi pe bharosa kiya na jaa.e

log kahte hain ki tu ab bhi KHafaa hai mujh se teri aankhoñ ne to kuchh aur kaha hai mujh se

log kahte hain ki tu ab bhi KHafaa hai mujh se teri aankhoñ ne to kuchh aur kaha hai mujh se

aur kya is se ziyaada koi narmi bartoon dil ke zaKHmon ko chhua hai tire gaalon ki tarah

ab ye bhi nahin theek ki har dard mita den kuchh dard kaleje se lagaane ke li.e hain