kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

jhooth hai sab zaheen dhoka hai is nazar ka yaqeen dhoka hai toot jaayega dil to samjhoge ye muhabbat haseen dhoka hai

din men mil lete kahii raat zaroori thii kya benateeja ye mulaqaat zaroori thii kya mujhse kahte to main aankhoñ men bula leta tumhein bheegne ke li.e barsaat zaroori thii kya

jis ko KHud main ne bhi apni rooh ka irfaan samjha tha vo to shaayad mere pyaase honton ki shaitani thii

tujhko batlaata magar sharm bahut aati hai teri tasveer se jo kaam liya jaata hai

tu us nigaah se pee waqt-e-may-kashee taabaan ki jis nigaah pe qurbaan paarsaai ho

shaghl tha dasht-navar dii ka kabhi ai taabaan ab gulistaan men bhi jaate hue dar lagta hai

aaj maghoom kyun ho ai taabaan kuchh to bolo ki maajra kya hai

sukoon qalb ko jis se mil jaa.e taabaan ghazal koi aisi suna deejiyega

is khauf men ki KHud na bhatk jaayen raah men bhatke huoon ko raah dikhaata nahin koi