kyuuñ darein zindagi men kya hogaa kuchh na hogaa to tajurba hogaa

kisi gali men kiraye pe ghar liya usne phir us gali men gharo ke kiraye badhne lage

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

dhoop men niklo ghataon men naha kar dekho zindagi kya hai kitaabon ko hata kar dekho

main chahta hooñ mohabbat meraa vo haal kare ki KHvaab men bhi dobara kabhi majaal na ho

tu us nigaah se pee waqt-e-may-kashee taabaan ki jis nigaah pe qurbaan paarsaai ho

sukoon qalb ko jis se mil jaa.e taabaan ghazal koi aisi suna deejiyega

samajh se kaam jo leta har ek bashar taabaanna haaha-kaar hi machte na ghar jala karte

aaj maghoom kyun ho ai taabaan kuchh to bolo ki maajra kya hai

khushi ki baat aur hai ghamon ki baat aur tumhaari baat aur hai hamaari baat aur