shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

shaakh se ik phool KHud haathon men mere aa giraa jab kaha usse sajaunga tujhe un baalon men

shikaayat mujhe thii isee baat se ki tu ne kabhi bhi shikaayat na ki yahaañ main hi to tha riyaasat teri tune ham pe bhi to hukoomat na ki

teraa naam jab likh diya ret par samandar ne phir koi harkat na ki

tere khat ham chhipaate bhi to kaise ki ghalti is men to meri nahin thii alag kamra mila tha hamko lekin alag par koi almaari nahin thii

roothta kyuuñ meraa hum-safar ab nahin kya manaane ka mujh men hunar ab nahin apni aankhoñ se rukhsat tune kiya is beghar ko milega vo ghar ab nahin