khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teraa naam jab likh diya ret par samandar ne phir koi harkat na ki

tere khat ham chhipaate bhi to kaise ki ghalti is men to meri nahin thii alag kamra mila tha hamko lekin alag par koi almaari nahin thii

thoda dukhi jo kal bhi tha thoda udaas aaj hoon khush to nahin hoon main magar aadmi khushmijaaz hoon

shaakh se ik phool KHud haathon men mere aa giraa jab kaha usse sajaunga tujhe un baalon men

har subah uth ke isko main hooñ choomta chaai hai jaise ye koi sautan teri