jab munderon se dhoop dhalti hai to kamii uski mujh...ko khalti hai jo hatheli pe apni likhti thii dosti pyaar men badalti hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

gulaab KHvaab davaa zahar jaam kya kya hai main aa gaya hooñ bataa intizaam kya kya hai

bas ye diqqat hai bhulaane men use uske badle men kis ko yaad karen

yuñ to marne ke li.e zahar sabhi peete hain zindagi tere li.e zahar piya hai main ne

bichhad jaayenge ham dono zameen par ye us ne aasmaañ par likh diya hai

khauf aata hai apne saa.e se hijr ke kis maqaam par hooñ main

zameen mere sajde se tharraa gaii mujhe aasmaañ se pukaara gaya

main tere zikr ki waa dii men sair karta rahoon hamesha lab pe tere naam ki mithaas rahe

us ki yaadon ki kaai par ab to zindagi-bhar mujhe fisalna hai