tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

zindagi le rahi maze meri main maze zindagi ke le raha hooñ

zindagi gudgu dii ke jaisi hai aap rone lagoge hanste hue

ye maana aap se behtar nahin hooñ magar main khel se baahar nahin hooñ

tareeqa jaise alag hai sabhi ke hansne ka usii tarah hi alag rone ka tareeqa hai

teri ummeed ki ummeed bhi ab ja chuki hai muharram ki tarah ye eed bhi ab ja chuki hai