bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

dil na-umeed to nahin naakaam hi to hai lambi hai gham ki shaam magar shaam hi to hai

gham aur khushi men farq na mehsoos ho jahaan main dil ko us maqaam pe laata chala gaya

dil aisa ki seedhe ki.e joote bhi badon ke zid itni ki KHud taaj utha kar nahin pahna

ghairon se to fursat tumhein din raat nahin hai haan mere li.e waqt-e-mulaqaat nahin hai

bhaanp hi lenge ishaara sar-e-mahfil jo kiya tadne waale qayamat ki nazar rakhte hain

naala-e-bulbul-e-shaida to suna hañs hañs kar ab jigar thaam ke baitho mirii baari aayi

meri hi jaan ke dushman hain naseehat waale mujh ko samjhaate hain un ko nahin samjhaate hain

dost dil rakhne ko karte hain bahaane kya kya roz jhooti khabar-e-wasl suna jaate hain