o meri solmet janmon se hai tu hi fevret janmon se is janam men to meri ho jaana kar raha hoon main wait janmon se

haal ye hai ki apni haalat par gaur karne se bach raha hooñ main

leta nahin jo saans bhi ik baar chain se karta raha hai guftagoo beer kii kain se

ik husn-e-bemisaal ki tamsil ke li.e parchaaiyon pe rang girata raha hooñ main

tumhaare baad ye dukh bhi to sahna pad raha hai kisi ke saath majboori men rahna pad raha hai

kis ne dekhe hain tiri rooh ke rishte hue zaKHm kaun utara hai tire qalb kii gehraai men

aur badh jaati hai kuchh lafz-o-bayaan kii taaseer lafz jab ashk kii soorat men ada hota hai

ham apne haal-e-pareshaan pe baarha roye aur uske baad hañsi ham ko baarha aayi

tahni pe KHamosh ik parinda maazi ke ult raha hai daftar

pahle ye shukr ki ham hadd-e-adab se na badhe ab ye shikwa ki sharaafat ne kahiin ka na rakha