tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

aate aate mira naam sa rah gayaus ke honton pe kuchh kaanpata rah gaya

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

main choomta hooñ to vo haath kheench leta hai use pata hai ye seedhi kahaan pe jaani hai

gunaahgaar ko itnaa pata to hota hai jahaan koii nahin hota KHuda to hota hai

main to chaak pe kooza-gar ke haath kii miTTi hooñ ab ye miTTi dekh khilauna kaise banti hai

jagmagataa hua khanjar mire seene men utaar raushni le ke kabhi khaana-e-veeran men aa