tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

gale milnaa na milnaa to teri marzi hai lekin tere chehre se lagta hai teraa dil kar raha hai

vo bhi toota hua tha aur ye bhi haari hui thii dono ik din mile the koi kahaanii hui thii

kitna sukoon hai teri baahon men jaan-e-jaan jee chahta hai main tujhe baahon men baandh loon

jitni duniya banaai hai usne ham to bichhde har ek duniya men

apne toote phoote KHvaabon ki taabeer banata hooñ main bikhre lafzon se kaaghaz par tasveer banata hooñ

yahii bas ik haqeeqat hai mujhe tumse muhabbat hai magar ham mil nahin paa.e ye apni kaisi qismat hai