tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

haath khaali hai tere shahar se jaate jaate jaan hoti to meri jaan lutate jaate

mujh ko bhi unhin men se koi ek samajh le kuchh masale hote hain na jo hal nahin hote

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

gale milnaa na milnaa to teri marzi hai lekin tere chehre se lagta hai teraa dil kar raha hai

bol ki lab azaad hain tere bol zabaan ab tak teri hai

unhin ke faiz se bazaar-e-aql raushan hai jo gaah gaah junoon ikhtiyaar karte rahe

na jaane kis li.e ummeed-waar baitha hooñ ik aisi raah pe jo teri raahguzaar bhi nahin

jab tujhe yaad kar liya subh mahak mahak uthi jab teraa gham jaga liya raat machal machal gaii

faiz ki raah sar-b-sar manzil ham jahaan pahunchen kaamyaab aa.e