tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

gale milnaa na milnaa to teri marzi hai lekin tere chehre se lagta hai teraa dil kar raha hai

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

ai zabt dekh ishq kii un ko khabar na ho dil men hazaar dard uthe aankh tar na ho

ameer ab hichakiyaañ aane lagii hain kahii main yaad farmaaya gaya hooñ

vasl ho jaa.e yahiin hashr men kya rakha hai aaj ki baat ko kyun kal pe utha rakha hai

khanjar chale kisi pe tadpate hain ham ameer saare jahaan ka dard hamaare jigar men hai