shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

sabhi ka KHoon hai shaamil yahaañ ki miTTi men kisi ke baap ka hindustan thodii hai

us dhoke ne tod diya hai itnaa mujh ko ab kuchh bhi samjha letii hai duniya mujh ko

kaun tha vo jis ne ye haal kiya hai meraa kis ko itni aasaani se haasil tha main

baith kar baat ki aur juda ho ga.e koi shikwa nahin koi jhagda nahin

use yuñ chehra-chehra dhoondhta hooñ vo jaise raat-din sadkon pe hogaa

phir tumhaare barabar khada shaKHs kuchh is tarah se hansa jaise tumne bataaya ho us ko hai ye bhi deewaana meraa