agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

us dhoke ne tod diya hai itnaa mujh ko ab kuchh bhi samjha letii hai duniya mujh ko

phir tumhaare barabar khada shaKHs kuchh is tarah se hansa jaise tumne bataaya ho us ko hai ye bhi deewaana meraa

pichhli bench ka bachcha hai dil is ko haath uthaane dena

sab aasaan hua jaata hai mushkil vaqt to ab aaya hai

baith kar baat ki aur juda ho ga.e koi shikwa nahin koi jhagda nahin