maana ki teri deed ke qaabil nahin hooñ main tu miraa shauq dekh miraa intizaar dekh

kya khabar kaun tha vo aur meraa kya lagta tha jisse milkar mujhe har shaKHs bura lagta tha

mat pooch ki kya haal hai meraa tere peeche tu dekh ki kya rang hai teraa mere aage

hazaar ishq karo lekin itnaa dhyaan rahe ki tum ko pahli mohabbat ki baddua na lage

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

koocha-e-ishq men nikal aaya jis ko khaana-kharaab hona tha

mirii zindagi to guzri tire hijr ke sahaare mirii maut ko bhi pyaare koi chahiye bahaana

jo un pe guzarti hai kis ne use jaana hai apni hi museebat hai apna hi fasana hai

ya vo the KHafaa ham se ya ham hain KHafaa un se kal un ka zamaana tha aaj apna zamaana hai