aaj dekha hai tujh ko der ke ba'd aaj ka din guzar na jaa.e kahii

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

usii ki tarah mujhe saara zamaana chahe vo mira hone se zyaada mujhe paana chahe

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

zindagi hai ya koi toofaan hai ham to is jeene ke haathon mar chale

tar-daamani pe shaikh hamaari na jaaiyo daaman nichod den to farishte wazu karen

baazi badi thii usne mere chashme-tar ke saath aakhir ko haar haar ke barsaat rah gayi

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

main jaata hooñ dil ko tire paas chhode mirii yaad tujh ko dilaata rahega