poochte hain vo ki ghalib kaun hai koi batlaao ki ham batlaayein kya

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tere lagaye hue zakhm kyun nahin bharte mere lagaye hue ped sookh jaate hain

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye alag baat ki KHaamosh khade rahte hain phir bhi jo log bade hain vo bade rahte hain

zindagi ka muqaddar safar-dar-safar aakhiri saans tak be-qaraar aadmi

us ko ruksat to kiya tha mujhe maaloom na tha saara ghar le gaya ghar chhod ke jaane vaala

dil men na ho jurat to mohabbat nahin milti khairaat men itni badi daulat nahin milti

ghar se masjid hai bahut door chalo yuñ kar len kisi rote hue bacche ko hansaaya jaa.e

itnaa sach bol ki honton ka tabassum na bujhe raushni khatm na kar aage andhera hogaa