tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

us ke pahluu se lag ke chalte hain ham kahii taalne se talte hain

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

hamaare kuchh gunaahon ki saza bhi saath chalti hai ham ab tanhaa nahin chalte davaa bhi saath chalti hai

sawaal ye hai ki aapas men ham milen kaise hamesha saath to chalte hain do kinaare bhi

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zindagi ujde hue ghar ki tarah lagti hai baap ka saaya agar sar pe nahin hota hai

ye aaj apne aap se mil kar khabar hui ham Vaaqaii men haal se be haal hain shajar

ye aftaab-o-qamar kahkashaan KHuda ki qasam tumhaare chehra-e-anwar se noor lete hain