sochun to saari umr mohabbat men kat gaii dekhooñ to ek shaKHs bhi meraa nahin hua

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye zulf agar khul ke bikhar jaa.e to achha is raat ki taqdeer sanwar jaa.e to achha jis tarah se thodii si tere saath kati hai baaki bhi usii tarah guzar jaa.e to achha

zindagi ujde hue ghar ki tarah lagti hai baap ka saaya agar sar pe nahin hota hai

zindagi to dar-b-dar khilwa rahi thii thokren maut ne lo manzil-e-maksud par pahuncha diya

zindagi se KHush hai koii zindagi se tang hai har kisi ka zindagi jeene ka apna dhang hai maine jo duniya ko samjha to mujhe aaya samajh nisf hai rangeen duniya nisf ye be-rang hai

ye she'r baad-e-shajar turbat-e-shajar pe likho safar safar men safar zindagi ka khatm hua

zindagi ko jo jaana to ye juz mila zindagi dard hai dard hai zindagi