kaisa dil aur is ke kya gham jee yuñ hi baatein banaate hain ham jee

tum bahut KHush rahogi mere saath vaise har ik ki apni marzi hai

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

mile kisi se gire jis bhi jaal par mere dost main us..ko chhod chuka uske haal par mere dost zameen par sabka muqaddar to mere jaisa nahin kisi ke saath to hogaa vo call par mere dost

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

dil hijr ke dard se bojhal hai ab aan milo to behtar ho is baat se ham ko kya matlab ye kaise ho ye kyunkar ho

be tere kya vehshat ham ko tujh bin kaisa sabr o sukoon tu hi apna shahar hai jaani tu hi apna sehra hai

aan ke is beemaar ko dekhe tujh ko bhi taufeeq hui lab par us ke naam tha teraa jab bhi dard shadeed hua

vahshat-e-dil ke khareedaar bhi napaaid hue kaun ab ishq ke bazaar men kholega dukaaan

ham bhool sake hain na tujhe bhool sakenge tu yaad rahega ha men haan yaad rahega