shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

vo mujh ko chhod ke jis aadmi ke paas gaya baraabari ka bhi hota to sabr aa jaata

ye kehna tha un se mohabbat hai mujh ko ye kehne men mujh ko zamaane lage hain

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

yaad-e-maazi azaab hai ya-rab cheen le mujh se hafiza meraa

main kisi se apne dil kii baat kah saktaa na tha ab sukhun kii aad men kya kuchh na kehna aa gaya

haan kabhi khwaab-e-ishq dekha tha ab tak aankhoñ se khun tapkata hai

roye baghair chaara na rone kii taab hai kya cheez uf ye kaifiyat-e-iztiraab hai

jab se munh ko lag gaii akhtar mohabbat kii sharaab be-piye aathon pahar madhosh rahna aa gaya