hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

tu mohabbat se koi chaal to chal haar jaane ka hausla hai mujhe

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

mas'ala ye nahin ki ishq hua hai ham ko mas'ala ye hai ki izhaar kiya jaana hai

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

but-kade se chale ho kaabe ko kya milega tumhein KHuda ke siva

aane waale jaane waale har zamaane ke li.e aadmi mazdoor hai raahen banaane ke li.e

dekha jo kha ke teer kameen-gaah ki taraf apne hi doston se mulaqaat ho gaii