shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

unki sohbat men ga.e sambhale dobara toote ham kisi shaKHs ko de de ke sahaara toote ye ajab rasm hai bilkul na samajh aayi ha men pyaar bhi ham hi karen dil bhi hamaara toote

kisi gali men kiraye pe ghar liya usne phir us gali men gharo ke kiraye badhne lage

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zindagi ujde hue ghar ki tarah lagti hai baap ka saaya agar sar pe nahin hota hai

yaad hai maazi ka har lamha mujhe achchhe se maine jab pahli dafa maa ki duaaein li theen usne honthon se mira chooma tha maatha badhkar usne haathon se shajar meri balaaen li theen

vo meri choom ke peshaani mujhse kehne lagii shajar tumhaara meraa saath bas yahiin tak tha