koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye mujhe chain kyun nahin padta ek hi shaKHs tha jahaan men kya

maana ki teri deed ke qaabil nahin hooñ main tu miraa shauq dekh miraa intizaar dekh

kya khabar kaun tha vo aur meraa kya lagta tha jisse milkar mujhe har shaKHs bura lagta tha

use kisi se mohabbat thii aur vo main nahin tha ye baat mujhse zyaada use rulaati thii

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zard hone lagii hai dast-e-hina laut aao shajar KHuda ke li.e

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

utar na paayega ta umr inke sar se junoon ye naujawaan agar dekh lenge aañkhen teri

waqt-e-mushkil men hooñ imdaad karo kuchh meri umr bhar aap ka ehsaan nahin bhooloonga