koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ik teraa hijr daaimi hai mujhe warna har cheez aarzi hai mujhe

vo jis ki chaanv men pacchees saal guzre hain vo ped mujh se koi baat kyun nahin karta

toot bhi jaaun to teraa kya hai ret se pooch aaina kya hai phir mere saamne usii ka zikr aapke saath masalaa kya hai

sehra se ho ke baagh men aaya hooñ sair ko haathon men phool hain mere paanv men ret hai

chehra dekhen tere hont aur palken dekhen dil pe aañkhen rakhen teri saansen dekhen