tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

KHamoshii se musibat aur bhi sangeen hoti hai tadap ai dil tadapne se zaraa taskeen hoti hai

dhundooge agar mulkon mulkon milne ke nahin naayaab hain ham jo yaad na aa.e bhool ke phir ai hum-nafso vo KHvaab hain ham

tamannaon men uljhaaya gaya hooñ khilaune de ke bahlāya gaya hooñ dil-e-muztar se pooch ai raunaq-e-bazm main KHud aaya nahin laaya gaya hooñ

jaise meri nigaah ne dekha na ho kabhi mehsoos ye hua tujhe har baar dekh kar