bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

shaam se kuchh bujha sa rehta hooñ dil hua hai charaaghh muflis ka

phool gul shams-o-qamar saare hi the par ha men un men tumhiin bhaaye bahut

dil vo nagar nahin ki phir aabaad ho sake pachtayoge suno ho ye bastii ujaad kar

hogaa kisi deewaar ke saa.e men pada meer kya rabt mohabbat se us aaraam-talab ko

mere sang-e-mazaar par farhaad rakh ke tesha kahe hai ya ustaad