ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin

jo apna hissa bhi auron men baant deta hai ik aise shaKHs ke hisse men aa ga.e the ham

ilm jab hogaa kidhar jaana hai haay tab tak to guzar jaana hai

vo aañkhen bujh chuki hongi nazaara ho chuka hogaa ali vo shaKHs ab duniya ko pyaara ho chuka hogaa

mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

aur kya is se ziyaada koi narmi bartoon dil ke zaKHmon ko chhua hai tire gaalon ki tarah

har-chand e'tibaar men dhoke bhi hain magar ye to nahin kisi pe bharosa kiya na jaa.e

sau chaand bhi chamkengi to kya baat banegi tum aa.e to is raat ki auqaat banegi

log kahte hain ki tu ab bhi KHafaa hai mujh se teri aankhoñ ne to kuchh aur kaha hai mujh se

saans letii hooñ to yuñ mehsoos hota hai mujhe jaise mere dil ki har dhadkan men shaamil aap hain