hamko dil se bhi nikala gaya phir shahar se bhi hamko patthar se bhi maara gaya phir zehar se bhi

tum poochho aur main na bataaun aise to haalaat nahin ek zaraa sa dil toota hai aur to koi baat nahin

main agar apni jawaani ke suna doon qisse ye jo launde hain mere paanv dabane lag jaa.e

chaan dii sona ek taraf teraa hona ek taraf ek taraf teri aañkhen jaadu toona ek taraf

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

suna hai shahar men zakhmi dilon ka mela hai chalenge ham bhi magar pairhan rafu kar ke

khulii hain aañkhen magar badan hai tamaam patthar koii bataaye main mar chuka hooñ ki jee raha hooñ

ik ajnabi jhonke ne jab poocha mire gham ka sabab sehra kii bheegi ret par maine likha aawaargi

ab ek pal ka taghaaful bhi sah nahin sakte ham ahl-e-dil kabhi aadi the intizaar ke bhi

yuñ dekhte rahna use achha nahin mohsin vo kaanch ka paikar hai to patthar tiri aañkhen