kyuuñ darein zindagi men kya hogaa kuchh na hogaa to tajurba hogaa

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mile kisi se gire jis bhi jaal par mere dost main us..ko chhod chuka uske haal par mere dost zameen par sabka muqaddar to mere jaisa nahin kisi ke saath to hogaa vo call par mere dost

mujh ko us kii aankhoñ men koodne kii aadat hai main tumhein bataaunga khud-kushi ke baare men

kya tamasha hai ki sab mujh...ko bura kahte hain aur sab chahte hain meri tarah ka hona

main to ai ishq teri kooza-gari jaanta hooñ tune ham do ko milaaya to banaa ek hi shaKHs

yaar ik baar parindon ko hukoomat de do ye kisi shahar ko maqtal nahin hone denge ye jo chehre hain yahaañ chaand se chehre taabish ye mira ishq mukammal nahin hone denge

aadatan uske li.e phool khareede varna nahin maaloom vo is baar yahaañ hai ki nahin