tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

vo intiqaam kii aatish thii mere seene men mila na koii to khud ko pachaad aaya hooñ

aankhoñ se ab vo KHvaab ko nisbat nahin rahi ik umr ho gaii ye samundar kharaab hai

na vo haseen na main khoob-roo magar ik saath hamen jo dekh le vo dekhta hi rah jaa.e

aagaah main charaaghh jalate hi ho gaya duniya mire hisaab se badh kar kharaab hai

us ne baarish men bhi khidki khol ke dekha nahin bheegne waalon ko kal kya kya pareshaani hui