kuchh na kuchh bolte raho hamse chup rahoge to log sun lenge

aankh men nam tak aa pahuncha hooñ uske gham tak aa pahuncha hooñ pahli baar muhabbat ki thii aakhri dam tak aa pahuncha hooñ

hazaar ishq karo lekin itnaa dhyaan rahe ki tum ko pahli mohabbat ki baddua na lage

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

nahin lagega use dekh kar magar KHush hai main KHush nahin hooñ magar dekh kar lagega nahin

suna hai shahar men zakhmi dilon ka mela hai chalenge ham bhi magar pairhan rafu kar ke

khulii hain aañkhen magar badan hai tamaam patthar koii bataaye main mar chuka hooñ ki jee raha hooñ

ik ajnabi jhonke ne jab poocha mire gham ka sabab sehra kii bheegi ret par maine likha aawaargi

har vaqt ka hansna tujhe barbaad na kar de tanhaaii ke lamhon men kabhi ro bhi liya kar

ab ek pal ka taghaaful bhi sah nahin sakte ham ahl-e-dil kabhi aadi the intizaar ke bhi