koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

mujh se raston ka bichadna nahin dekha jaata mujh se milne vo kisi mod pe aaya na kare

in makeenon ka sulook apni jagah dar-o-deewar pe hairat hai mujhe

vo haal tha ki bas mira uthna muhaal tha lekin phir ek KHvaab ki takmeel se utha

haal poocha na kare haath milaaya na kare main isee dhoop men KHush hooñ koi saaya na kare

hamaari subah kisi shaam se nahin milti ye vo thakan hai jo aaraam se nahin milti