ab bas uske dil ke andar daakhil hona baaki hai chh darwaaze chhod chuka hoon ek darwaaza baaki hai daulat shohrat biwi bacche achha ghar aur achchhe dost kuchh to hai jo inke baad bhi haasil karna baaki hai main barson se khol raha hoon ek aurat ki saari ko aadhi duniya ghoom chuka hoon aadhi duniya baaki hai kabhi-kabhi to dil karta hai chalti rail se kood padhoon phir kahtaa hoon paagal ab to thoda rastaa baaki hai uski khaatir bazaaron men bheed bhi hai aur ronak bhi main gum hone vaala hoon bas haath chhudana baaki hai

teri har baat mohabbat men gawara karke dil ke bazaar men baithe hain khasaara karke aate jaate hain kaii rang mere chehre par log lete hain mazaa zikr tumhaara karke ek chingaari nazar aayi thii bastii men use vo alag hat gaya aandhi ko ishaara karke aasmaanon kii taraf fenk diya hai maine chand miTTi ke charaaghon ko sitaara karke main vo dariyaa hooñ ki har boond bhanwar hai jis kii tum ne achha hi kiya mujh se kinaara karke muntazir hooñ ki sitaaron kii zaraa aankh lage chaand ko chhat pe bula loonga ishaara karke

ham tumhaare gham se baahar aa ga.e hijr se bachne ke mantr aa ga.e main ne tum ko andar aane ka kaha tum to mere dil ke andar aa ga.e ek hi aurat ko duniya maankar itnaa ghuma hooñ ki chakkar aa ga.e imtihaan-e-ishq mushkil tha magar naql kar ke achchhe number aa ga.e tere kuchh 'aashiq to gangaram hain aur jo baaki the bistar aa ga.e

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

har manzar par jashn manaane naachne gaane waale log ik muddat se chup baithe hain shor machaane waale log ham dono ko samjhaaenge dontenge fatakaarenge ham dono ko kab samjhenge ye samjhaane waale log ishq qais farhaad romiyo jaise hi kar sakte hain ham to thehre das se chh tak office jaane waale log kuchh cheezein ka is duniya men koi nemul badal nahin hai kaise chaand se kaam chalaaenge tujh ko dekhne waale log

kharaabi kuchh na poochho mulakat-e-dil ki imarat ki ghamon ne aaj-kal suniyo vo aabaa dii hi gharaat ki nigah-e-mast se jab chashm ne is ki ishaarat ki halaavat may ki aur buniyaad maykhaane ki gharaat ki sahar-gah main ne poocha gul se haal-e-zaar bulbul ka pade the baagh men yak-musht par udhar ishaarat ki jalaya jis tajallii-e-jalwa-gar ne toor ko ham-dam usii aatish ke par kaale ne ham se bhi sharaarat ki nazaakat kya kahooñ khursheed-roo ki kal shab-e-mah men gaya tha saa.e saa.e baagh tak tis par hararat ki nazar se jis ki yusuf sa gaya phir us ko kya sujhe haqeeqat kuchh na poochho peer-e-kan'aan ki basaarat ki tire kooche ke shauq-e-tauf men jaise bagoola tha biyaabaan main ghubaar meer ki ham ne ziyaarat ki

mehr ki tujh se tavakko thii sitamgar niklaa mom samjhe the tire dil ko so patthar niklaa daagh hooñ rask-e-mohabbat se ki itnaa betaab kis ki taskin ke li.e ghar se tu baahar niklaa jeete jee aah tire kooche se koi na fira jo sitam-deeda raha ja ke so mar kar niklaa dil ki aabaa dii ki is had hai kharaabi ki na pooch jaana jaata hai ki us raah se lashkar niklaa ashk-e-tar qatra-e-khoon lakht-e-jigar paara-e-dil ek se ek addad aankh se bah kar niklaa kunj-kaavi jo ki seene ki gham-e-hijraan ne is dafneene men se aqsaam-e-jawaahar niklaa ham ne jaana tha likhega tu koi harf ai meer par tira naama to ik shauq ka daftar niklaa

yuñ hi hairaan-o-khafa jon ghuncha-e-tasveer hon umr guzri par na jaana main ki kyun dil-geer hon itni baatein mat banaa mujh shefate se naaseha pand ke laayeq nahin main qaabil-e-zanjeer hon surkh rahtii hain mirii aañkhen lahu rone se shaikh may agar saabit ho mujh par waajib al-taazeer hooñ ne falak par raah mujh ko ne zameen par rau mujhe aise kis mahroom ka men shor-e-be-taaseer hooñ jon kamaan garche khameeda hooñ pe chhoota aur wahinus ke kooche ki taraf chalne ko yaaro teer hooñ jo mire hisse men aave tegh-e-jamadhar sail-o-kaard ye fuzooli hai ki main hi kushta-e-shamsheer hooñ khol kar deevaan meraa dekh qudrat muddai garche hooñ main naujavaan par sha'iron ka peer hooñ yuñ saadat ek jamdhar mujh ko bhi guzaariye munsifi kijeye to main to mahaj be-taqseer hooñ is qadar be-nang khabton ko naseehat shaikh-ji baaz aao warna apne naam ko main meer hooñ

pal men jahaan ko dekhte mere dubo chuka ik vaqt men ye deeda bhi toofaan ro chuka afsos mere murde par itnaa na kar ki ab pachtana yuñ hi sa hai jo hona tha ho chuka lagti nahin palak se palak intizaar men aañkhen agar yahii hain to bhar neend so chuka yak chashmak-e-pyaala hai saaqi bahaar-e-umr jhapki lagii ki door ye aaKHir hi ho chuka mumkin nahin ki gul kare waisi shaguftagius sarzameen men tukhm-e-mohabbat main bo chuka paaya na dil bahaaya hua sail-e-ashk ka main panja-e-miza se samundar bilo chuka har subh haadse se ye kahtaa hai aasmaañ de jaam-e-khoon meer ko gar munh vo dho chuka

ghamze ne us ke chori men dil ki hunar kiyaus khaanumaan-kharaab ne aankhoñ men ghar kiya rang ud chala chaman men gulon ka to kya naseem ham ko to rozgaar ne be-baal-o-par kiya naafe jo theen mizaaj ko awwal so ishq men aaKHir unhin davaaon ne ham ko zarar kiya marta hooñ jaan den hain watan-daariyon pe log aur sunte jaate hain ki har ik ne safar kiya kya jaanoon bazm-e-aish ki saaqi ki chashm dekh main sohbat-e-sharaab se aage safar kiya jis dam ki tegh-e-ishq khinchi bul-hawas kahaan sun leejiyo ki ham hi ne seena-sipar kiya dil zakhmi ho ke tujh tai pahuncha to kam nahin is neem-kushta ne bhi qayamat jigar kiya hai kaun aap men jo mile tujh se mast naaz zauq-e-khabar hi ne to ha men be-KHabar kya vo dast-e-khauf-naak raha hai mira watan sun kar jise khizr ne safar se hazar kiya kuchh kam nahin hain shobda-baazon se may-gusaar daaru pila ke shaikh ko aadam se khar kiya hain chaaron taraf khe men khade gard-baad ke kya jaaniye junoon ne iraada kidhar kiya luknat tiri zabaan ki hai sehar jis se shokh yak harf-e-neem-gufta ne dil par asar kiya be-sharm mahaj hai vo gunahgaar jin ne meer abr-e-karam ke saamne daamaan tar kiya