chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

jhuk ke chaltaa hooñ ki qad uske barabar na lage doosra ye ki use raah men thokar na lage ye tere saath ta'alluq ka badaa faayda hai aadmi ho bhi to auqaat se baahar na lage neem tareek sa maahol hai darkaar mujhe aisa maahol jahaan aankh lage dar na lage maaoon ne choomna hote hain burida sar bhius se kehna ki koi zakham jabeen par na lage ye talabgaar nigaahon ke taqaze har soo koi to aisi jagah ho jo mujhe ghar na lage ye jo aaina hai dekhooñ to khala dikhta hai is jagah kuchh bhi na lagwaaoon to behtar na lage tum ne chhodaa to kisi aur se takraaoonga. main kaise mumkin hai ki andhe ka kahii sar na lage

kharaabi kuchh na poochho mulakat-e-dil ki imarat ki ghamon ne aaj-kal suniyo vo aabaa dii hi gharaat ki nigah-e-mast se jab chashm ne is ki ishaarat ki halaavat may ki aur buniyaad maykhaane ki gharaat ki sahar-gah main ne poocha gul se haal-e-zaar bulbul ka pade the baagh men yak-musht par udhar ishaarat ki jalaya jis tajallii-e-jalwa-gar ne toor ko ham-dam usii aatish ke par kaale ne ham se bhi sharaarat ki nazaakat kya kahooñ khursheed-roo ki kal shab-e-mah men gaya tha saa.e saa.e baagh tak tis par hararat ki nazar se jis ki yusuf sa gaya phir us ko kya sujhe haqeeqat kuchh na poochho peer-e-kan'aan ki basaarat ki tire kooche ke shauq-e-tauf men jaise bagoola tha biyaabaan main ghubaar meer ki ham ne ziyaarat ki

mehr ki tujh se tavakko thii sitamgar niklaa mom samjhe the tire dil ko so patthar niklaa daagh hooñ rask-e-mohabbat se ki itnaa betaab kis ki taskin ke li.e ghar se tu baahar niklaa jeete jee aah tire kooche se koi na fira jo sitam-deeda raha ja ke so mar kar niklaa dil ki aabaa dii ki is had hai kharaabi ki na pooch jaana jaata hai ki us raah se lashkar niklaa ashk-e-tar qatra-e-khoon lakht-e-jigar paara-e-dil ek se ek addad aankh se bah kar niklaa kunj-kaavi jo ki seene ki gham-e-hijraan ne is dafneene men se aqsaam-e-jawaahar niklaa ham ne jaana tha likhega tu koi harf ai meer par tira naama to ik shauq ka daftar niklaa

kab se nazar lagii thii darwaaza-e-haram se parda utha to ladiyaan aañkhen hamaari ham se soorat-gar-e-ajal ka kya haath tha kahe to kheenchi vo tegh-e-abroo faulaad ke qalam se sozish gaii na dil ki rone se roz-o-shab ke jalta hooñ aur dariyaa bahte hain chashm-e-nam se taa'at ka vaqt guzra masti men aab raz ki ab chashm-daasht us ke yaa hai faqat karam se kudhie na roiyie to auqaat kyoonke guzre rehta hai mashghala sa baar-e-gham-o-alam se mashhoor hai samaajat meri ki teg barsi par main na sar uthaya hargiz tire qadam se baat ehtiyaat se kar zaaeaa na kar nafs ko baaleedagi-e-dil hai maanind-e-sheesha dam se kya kya taab uthaaye kya kya azaab dekhe tab dil hua hai utna khugar tire sitam se hasti men ham ne aa kar aasoodagi na dekhi khultin na kaash aañkhen KHvaab KHush adam se paamaal kar ke ham ko pachtayoge bahut tum kamyab hain jahaan men sar dene waale ham se dil do ho meer sahab us bad-ma'ash ko tum khaatir to jama kar lo tak qaul se qasam se

ghamze ne us ke chori men dil ki hunar kiyaus khaanumaan-kharaab ne aankhoñ men ghar kiya rang ud chala chaman men gulon ka to kya naseem ham ko to rozgaar ne be-baal-o-par kiya naafe jo theen mizaaj ko awwal so ishq men aaKHir unhin davaaon ne ham ko zarar kiya marta hooñ jaan den hain watan-daariyon pe log aur sunte jaate hain ki har ik ne safar kiya kya jaanoon bazm-e-aish ki saaqi ki chashm dekh main sohbat-e-sharaab se aage safar kiya jis dam ki tegh-e-ishq khinchi bul-hawas kahaan sun leejiyo ki ham hi ne seena-sipar kiya dil zakhmi ho ke tujh tai pahuncha to kam nahin is neem-kushta ne bhi qayamat jigar kiya hai kaun aap men jo mile tujh se mast naaz zauq-e-khabar hi ne to ha men be-KHabar kya vo dast-e-khauf-naak raha hai mira watan sun kar jise khizr ne safar se hazar kiya kuchh kam nahin hain shobda-baazon se may-gusaar daaru pila ke shaikh ko aadam se khar kiya hain chaaron taraf khe men khade gard-baad ke kya jaaniye junoon ne iraada kidhar kiya luknat tiri zabaan ki hai sehar jis se shokh yak harf-e-neem-gufta ne dil par asar kiya be-sharm mahaj hai vo gunahgaar jin ne meer abr-e-karam ke saamne daamaan tar kiya

waisa kahaan hai ham se jaisa ki aage tha tu auron se mil ke pyaare kuchh aur ho gaya tu chaalein tamaam be-dhab baatein fareb hain sab haasil ki ai shukr lab ab vo nahin raha tu jaate nahin uthaaye ye shor har sehar ke ya ab chaman men bulbul ham hi rahenge ya tu aa abr ek do dam aapas men rakhen sohbat kudhne ko hooñ main aandhi rone ko hai bala tu taqreeb par bhi to tu pahluu tahee kare hai das baar eed aayi kab kab gale mila tu tere dehan se us ko nisbat ho kuchh to kahiye gul go kare hai da'wa khaatir men kuchh na la tu dil kyoonke raast aave daava-e-aashnaai dariya-e-husn vo mah-e-kashti-b-kaf gada tu har fard yaas abhii se daftar hai tujh gale ka hai qahr jab ki hogaa harfon se aashna tu aalam hai shauq-e-kushta-e-khilkat hai teri rafta jaanon ki aarzoo tu aankhoñ ka muddaa tu munh kariye jis taraf ko so hi tiri taraf hai par kuchh nahin hai paida kidhar hai e KHuda tu aati b-khud nahin hai baad-e-bahaar ab tak do gaam tha chaman men tak naaz se chala tu kam meri aur aanaa kam aankh ka mil aanaa karne se ye adaayein hai muddaa ki ja tu guft-o-shunood akshar mere tire rahe hai zalim mua'af rakhiyo meraa kaha-suna to kah saanjh ke mooe ko ai meer roein kab tak jaise charaag-e-muflis ik-dam men jal bujha to