kabhi milenge to ye karz bhi utaarenge tumhaare chehre ko paharon talak nihaarenge ye kya sitam ki khilaadi badal diya usne ham is umeed pe baithe the ham hi haarenge hamaare baad tere ishq men naye ladke badan to choomenge zulfen nahin sanvaarenge

jis tarah waqt guzarne ke li.e hota hai aadmi shakl pe marne ke li.e hota hai teri aankhoñ se mulaqaat hui tab ye khula doobne vaala ubharne ke li.e hota hai ishq kyun peeche hata baat nibhaane se miyaan husn to khair mukarne ke li.e hota hai aankh hoti hai kisi raah ko takne ke li.e dil kisi paanv pe dharne ke li.e hota hai dil ki dilli ka chunaav hi alag hai sahab jab bhi hota hai ye harne ke li.e hota hai koi bastii ho ujhadne ke li.e bastii hai koi mazma ho bikharna ke li.e hota hai

ghutan si hone lagii us ke paas jaate hue main KHud se rooth gaya hooñ use manaate hue ye zakham zakham manaazir lahu lahu chehre kahaan chale ga.e vo log hanste gaate hue na jaane khatm hui kab hamaari aazaa dii taalluqaat ki paabandiyaan nibhaate hue hai ab bhi bistar-e-jaan par tire badan ki shikan main KHud hi mitne laga hooñ use mitaate hue tumhaare aane ki ummeed bar nahin aati main raakh hone laga hooñ diye jalate hue

hazaaron khwaahishein aisi ki har KHvaahish pe dam nikle bahut nikle mire armaan lekin phir bhi kam nikle dare kyun meraa qaateel kya rahega us ki gardan par vo khun jo chashm-e-tar se umr bhar yuñ dam-b-dam nikle nikalna khuld se aadam ka sunte aa.e hain lekin bahut be-aabroo ho kar tire kooche se ham nikle bharam khul jaa.e zalim tere qamat ki daraazi ka agar is turra-e-pur-pech-o-kham ka pech-o-kham nikle magar likhw aa.e koi us ko khat to ham se likhw aa.e hui subh aur ghar se kaan par rakh kar qalam nikle hui is daur men mansoob mujh se baada-aashaami phir aaya vo zamaana jo jahaan men jaam-e-jam nikle hui jin se tavakko khastagi ki daad paane ki vo ham se bhi ziyaada khasta-e-teg-e-sitam nikle mohabbat men nahin hai farq jeene aur marne ka usii ko dekh kar jeete hain jis kaafir pe dam nikle kahaan may-khaane ka darwaaza ghalib aur kahaan wa'iz par itnaa jaante hain kal vo jaata tha ki ham nikle

samandar ulta seedha bolta hai saleeqe se to pyaasa bolta hai yahaan to uskaa paisa bolta hai wahaan dekhenge vo kya bolta hai tumhaare saath udaane bolti hai hamaare saath pinjra bolta hai nigaahen karti rah jaati hain hijje vo jab chehre se imlaa bolta hai main chup rehta hooñ itnaa bol kar bhi tu chup rah kar bhi k itnaa bolta hai main har shayar men ye bhi dekhta hooñ bina mashq ke vo kya bolta hai

zameen chhod kar main kidhar jaaunga andheron ke andar utar jaaunga mirii pattiyaan saari sookhi hui naye mausamon men bikhar jaaunga agar aa gaya aaina saamne to apne hi chehre se dar jaaunga vo ik aankh jo mirii apni bhi haina aayi nazar to kidhar jaaunga vo ik shaKHs awaaz dega agar main khaali sadak par thehar jaaunga palat kar na paaya kisi ko agar to apni hi aahat se dar jaaunga tiri zaat men saans li hai sadaa tujhe chhod kar main kidhar jaaunga

chaaron taraf se maut ne ghera hai zeest ko aur us ke saath hukm ki ab zindagi karo baahar gali men shor hai barsaat ka suno kun dii laga ke aaj to ghar men pade raho chhod aa.e kis ki chat pe jawaan-saal chaand ko KHaamosh kis li.e ho sitaaro javaab do kyun chalte chalte ruk ga.e veeraan raasto tanhaa hooñ aaj main zaraa ghar tak to saath do jis ne bhi mud ke dekha vo patthar ka ho gaya nazrein jhuk aa.e dosto chup chup chale chalo allah rakhe teri sehar jaisi kam-sini dil kaanpata hai jab bhi tu aati hai shaam ko veeraan chaman pe roee hai shabnam tamaam raat aise men koi nanhi kali muskur aa.e to aadil hawaaein kab se bhi deti hain dastaken jal dii se uth ke kamre ka darwaaza khol do

badan par nayi fasl aane lagii hawa dil men KHvaahish jagaane lagii koi KHud-kushi ki taraf chal diya udaasi ki mehnat thikaane lagii jo chup-chaap rahtii thii deewaar par vo tasveer baatein banaane lagii khayaalon ke tareek khandaraat men KHamoshii ghazal gungunaane lagii zaraa der baithe the tanhaaii men tiri yaad aañkhen dukhaane lagii

jeeta hai sirf tere li.e kaun mar ke dekh ik roz meri jaan ye harkat bhi kar ke dekh manzil yahiin hai aam ke pedon ki chaanv men ai shehsawaar ghode se neeche utar ke dekh toote pade hain kitne ujaalon ke ustukhwaan saaya-numa andhere ke andar utar ke dekh phoolon ki tang-daamani ka tazkira na kar KHushboo ki tarah mauj-e-saba men bikhar ke dekh tujh par khulenge maut ki sarhad ke raaste himmat agar hai us ki gali se guzar ke dekh dariyaa ki wusaaton se use naapte nahin tanhaaii kitnii gahri hai ik jaam bhar ke dekh

'aashiq the shahar men jo purane sharaab ke hain un ke dil men vasvase ab ehtisaab ke vo jo tumhaare haath se aa kar nikal gaya ham bhi qatil hain usii khaana-kharaab ke phoolon ki sej par zaraa aaraam kya kiyaus gul-badan pe naqsh uth aa.e gulaab ke soye to dil men ek jahaan jaagne laga jaage to apni aankh men jaale the KHvaab ke bas tishnagi ki aankh se dekha karo unhen dariyaa ravaan-davaan hain chamakte saraab ke kis tarah jama keejie ab apne aap ko kaaghaz bikhar rahe hain puraani kitaab ke