tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

chehre pe chamchamaati hui dhoop mar gaii suraj ko dhalta dekh ke phir shaam dar gaii mabahoot se khade rahe sab bas ki line men koolhe uchaalti hui bijli guzar gaii suraj vahii tha dhoop vahii shahar bhi vahii kya cheez thii jo jism ke andar tithir gaii KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii tahleel ho gaii hai hawa men udaasiyaan khaali jagah jo rah gaii tanhaaii bhar gaii chehre baghair niklaa tha us ke makaan se rusvaaiyon ki had se bhi aage khabar gaii rangon ki surkh naaf daakhilya gul-aftaab andhi hawaaein khaar khatk kaan bhar gaii

bismil ke tadapne ki adaaon men nasha tha main haath men talwaar li.e jhoom raha tha ghoonghat men mire KHvaab ki taabeer chhupi thii mehn dii se hatheli men mira naam likha tha lab the ki kisi pyaali ke honton pe jhuke the aur haath kahii gardan-e-meena men pada tha hammam ke aaiine men shab doob rahi thii cigarette se naye din ka dhuaan phail raha tha dariyaa ke kinaare pe mirii laash pa dii thii aur paani ki tah men vo mujhe Dhoondh raha tha maaloom nahin phir vo kahaan chhup gaya aadil saaya sa koi lams ki sarhad pe mila tha

ek qatra ashk ka chhalaka to dariyaa kar diya ek musht-e-khaak jo bikhri to sehra kar diya mere toote hausale ke par nikalte dekh karus ne deewaron ko apni aur ooncha kar diya waardaat-e-qalb likkhi ham ne farzi naam se aur haathon-haath us ko KHud hi le ja kar diya us ki naaraazi ka suraj jab sawaa neze pe tha apne harf-e-izz hi ne sar pe saaya kar diya duniya bhar ki KHaak koi chaanta firta hai ab aap ne dar se utha kar kaisa rusva kar diya ab na koi khauf dil men aur na aankhoñ men umeed tu ne marg-e-na-gahaan beemaar achha kar diya bhool ja ye kal tire naqsh-e-qadam the chaand par dekh un haathon ko kis ne aaj kaasa kar diya ham to kehne ja rahe the hamza-e-ye wassalaam beech men us ne achaanak noon-ghunna kar diya ham ko gaali ke li.e bhi lab hila sakte nahin gair ko bosa diya to munh se dikhla kar diya teergii ki bhi koi had hoti hai aaKHir miyaan surkh parcham ko jala kar hi ujaala kar diya bazm men ahl-e-sukhan taqteea farmaate rahe aur ham ne apne dil ka bojh halka kar diya jaane kis ke muntazir baithe hain jhaadoo fer kar dil se har KHvaahish ko aadil ham ne chaltaa kar diya

chaaron taraf se maut ne ghera hai zeest ko aur us ke saath hukm ki ab zindagi karo baahar gali men shor hai barsaat ka suno kun dii laga ke aaj to ghar men pade raho chhod aa.e kis ki chat pe jawaan-saal chaand ko KHaamosh kis li.e ho sitaaro javaab do kyun chalte chalte ruk ga.e veeraan raasto tanhaa hooñ aaj main zaraa ghar tak to saath do jis ne bhi mud ke dekha vo patthar ka ho gaya nazrein jhuk aa.e dosto chup chup chale chalo allah rakhe teri sehar jaisi kam-sini dil kaanpata hai jab bhi tu aati hai shaam ko veeraan chaman pe roee hai shabnam tamaam raat aise men koi nanhi kali muskur aa.e to aadil hawaaein kab se bhi deti hain dastaken jal dii se uth ke kamre ka darwaaza khol do

soye hue palang ke saa.e jaga gaya khidki khulii to aasmaañ kamre men aa gaya aangan men teri yaad ka jhonka jo aa gaya tanhaaii ke darakht se patte uda gaya hanste chamakte KHvaab ke chehre bhi mit ga.e batti jali to man men andhera sa chha gaya aaya tha kaale KHoon ka sailaab pichhli raat barson puraani jism ki deewaar dhaa gaya tasveer men jo qaid tha vo shaKHs raat ko KHud hi fra men tod ke pahluu men aa gaya vo chaai pee raha tha kisi doosre ke saath mujh par nigaah padte hi kuchh jhemp sa gaya