mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

vo zamaana guzar gaya kab ka tha jo deewaana mar gaya kab ka dhoondhta tha jo ik nayi duniya laut ke apne ghar gaya kab ka vo jo laaya tha ham ko dariyaa tak paar akelaa utar gaya kab ka us ka jo haal hai vahii jaane apna to zakham bhar gaya kab ka khwaab-dar-khwaab tha jo sheeraza ab kahaan hai bikhar gaya kab ka

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

chehre pe chamchamaati hui dhoop mar gaii suraj ko dhalta dekh ke phir shaam dar gaii mabahoot se khade rahe sab bas ki line men koolhe uchaalti hui bijli guzar gaii suraj vahii tha dhoop vahii shahar bhi vahii kya cheez thii jo jism ke andar tithir gaii KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii tahleel ho gaii hai hawa men udaasiyaan khaali jagah jo rah gaii tanhaaii bhar gaii chehre baghair niklaa tha us ke makaan se rusvaaiyon ki had se bhi aage khabar gaii rangon ki surkh naaf daakhilya gul-aftaab andhi hawaaein khaar khatk kaan bhar gaii

zameen chhod kar main kidhar jaaunga andheron ke andar utar jaaunga mirii pattiyaan saari sookhi hui naye mausamon men bikhar jaaunga agar aa gaya aaina saamne to apne hi chehre se dar jaaunga vo ik aankh jo mirii apni bhi haina aayi nazar to kidhar jaaunga vo ik shaKHs awaaz dega agar main khaali sadak par thehar jaaunga palat kar na paaya kisi ko agar to apni hi aahat se dar jaaunga tiri zaat men saans li hai sadaa tujhe chhod kar main kidhar jaaunga

chaaron taraf se maut ne ghera hai zeest ko aur us ke saath hukm ki ab zindagi karo baahar gali men shor hai barsaat ka suno kun dii laga ke aaj to ghar men pade raho chhod aa.e kis ki chat pe jawaan-saal chaand ko KHaamosh kis li.e ho sitaaro javaab do kyun chalte chalte ruk ga.e veeraan raasto tanhaa hooñ aaj main zaraa ghar tak to saath do jis ne bhi mud ke dekha vo patthar ka ho gaya nazrein jhuk aa.e dosto chup chup chale chalo allah rakhe teri sehar jaisi kam-sini dil kaanpata hai jab bhi tu aati hai shaam ko veeraan chaman pe roee hai shabnam tamaam raat aise men koi nanhi kali muskur aa.e to aadil hawaaein kab se bhi deti hain dastaken jal dii se uth ke kamre ka darwaaza khol do

darwaaza band dekh ke mire makaan ka jhonka hawa ka khidki ke parde hila gaya vo jaan-e-nau-bahaar jidhar se guzar gaya pedon ne phool patton se rastaa chhupa liya us ke qareeb jaane ka anjaam ye hua main apne-aap se bhi bahut door ja pada angadaai le rahi thii gulistaan men jab bahaar har phool apne rang ki aatish men jal gaya kaañte se tootte hain mire ang ang men rag rag men chaand jalta hua zahar bhar gaya aankhoñ ne us ko dekha nahin is ke baawajood dil us ki yaad se kabhi ghaafil nahin raha darwaaza khatkhataa ke sitaare chale ga.e KHvaabon ki shaal odh ke main unghta raha shab chaandni ki aanch men tap kar nikhar gaii suraj ki jaltee aag men din KHaak ho gaya sadken tamaam dhoop se angaara ho gaiin andhi hawaaein chalti hain in par barhana-pa vo aa.e thodii der ruke aur chale ga.e aadil main sar jhuk aa.e hue chup khada raha

ek qatra ashk ka chhalaka to dariyaa kar diya ek musht-e-khaak jo bikhri to sehra kar diya mere toote hausale ke par nikalte dekh karus ne deewaron ko apni aur ooncha kar diya waardaat-e-qalb likkhi ham ne farzi naam se aur haathon-haath us ko KHud hi le ja kar diya us ki naaraazi ka suraj jab sawaa neze pe tha apne harf-e-izz hi ne sar pe saaya kar diya duniya bhar ki KHaak koi chaanta firta hai ab aap ne dar se utha kar kaisa rusva kar diya ab na koi khauf dil men aur na aankhoñ men umeed tu ne marg-e-na-gahaan beemaar achha kar diya bhool ja ye kal tire naqsh-e-qadam the chaand par dekh un haathon ko kis ne aaj kaasa kar diya ham to kehne ja rahe the hamza-e-ye wassalaam beech men us ne achaanak noon-ghunna kar diya ham ko gaali ke li.e bhi lab hila sakte nahin gair ko bosa diya to munh se dikhla kar diya teergii ki bhi koi had hoti hai aaKHir miyaan surkh parcham ko jala kar hi ujaala kar diya bazm men ahl-e-sukhan taqteea farmaate rahe aur ham ne apne dil ka bojh halka kar diya jaane kis ke muntazir baithe hain jhaadoo fer kar dil se har KHvaahish ko aadil ham ne chaltaa kar diya