tamasha-e-deir-o-haram dekhte hain tujhe har bahaane se ham dekhte hain hamaari taraf ab vo kam dekhte hain vo nazrein nahin jin ko ham dekhte hain zamaane ke kya kya sitam dekhte hain humeen jaante hain jo ham dekhte hain

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ek aur shaKHs chhodkar chala gaya to kya hua hamaare saath kaun sa ye pahli martaba hua azl se in hateliyon men hijr ki lakeer thii tumhaara dukh to jaise mere haath men badaa hua mere KHilaaf dushmanon ki saf men hai vo aur main bahut bura lagunga us par teer kheenchta hua

mirii subh-e-gham bala se kabhi shaam tak na pahunchen mujhe dar ye hai buraai tire naam tak na pahunchen mire paas kya vo aate mira dard kya mitaate mira haal dekhne ko lab-e-baam tak na pahunchen ho kisi ka mujh pe ehsaan ye nahin pasand mujh ko tiri subh ki tajalli mirii shaam tak na pahunchen tiri be-rukhi pe zalim mira jee ye chahta hai ki vafaa ka mire lab par kabhi naam tak na pahunchen main fughan-e-be-asar ka kabhi mo'tarif nahin hooñ vo sadaa hi kya jo un ke dar-o-baam tak na pahunchen vo sanam bigad ke mujh se mira kya bigaad lega kabhi raaz khol doon main to salaam tak na pahunchen mujhe lazzat-e-aseeri ka sabq padha rahe hain jo nikal ke aashiyaan se kabhi daam tak na pahunchen unhen meherbaan samajh len mujhe kya garz padi hai vo karam ka haath hi kya jo awaam tak na pahunchen hue faiz-e-may-kada se sabhi faizyaab lekin jo gareeb tishna-lab the vahii jaam tak na pahunchen jise main ne jagmagaya usii anjuman men saaqi mira zikr tak na aa.e mira naam tak na pahunchen tumhein yaad hi na aaun ye hai aur baat warna main nahin hooñ door itnaa ki salaam tak na pahunchen

munh faqeeron se na fera chahiye ye to poocha chahiye kya chahiye chaah ka meyaar ooncha chahiye jo na chahein un ko chaaha chahiye kaun chahe hai kisi ko be-gharz chaahne waalon se bhaaga chahiye ham to kuchh chahe hain tum chaaho ho kuchh vaqt kya chahe hai dekha chahiye chahte hain tere hi daaman ki khairham hain deewane ha men kya chahiye be-rukhi bhi naaz bhi andaaz bhi chahiye lekin na itnaa chahiye ham jo kehna chahte hain kya kahein aap kah lijye jo kehna chahiye baat chahe be-saleeqa ho kaleem baat kehne ka saleeqa chahiye

har-chand gham-o-dard ki qeemat bhi bahut thii lena hi pada dil ko zaroorat bhi bahut thii zalim tha vo aur zulm ki aadat bhi bahut thii majboor the ham us se mohabbat bhi bahut thii go tark-e-ta'alluq men suhulat bhi bahut thii lekin na hua ham se ki ghairat bhi bahut thii us but ke sitam sah ke dikha hi diya ham ne go apni tabi'at men baghaavat bhi bahut thii waqif hi na tha ramz-e-mohabbat se vo warna dil ke li.e thodii si inaayat hi bahut thii yuñ hi nahin mashhoor-e-zamaana mira qaateelus shaKHs ko is fan men mahaarat bhi bahut thii kya daur-e-ghazal tha ki lahu dil men bahut tha aur dil ko lahu karne ke furqat bhi bahut thii har shaam sunaate the haseenon ko ghazal ham jab maal bahut tha to sakhaawat bhi bahut thii bulwa ke ham aajiz ko pashemaan bhi bahut hain kya keejie kam-bakht ki shohrat bhi bahut thii

meri subh-e-gham bala se kabhi shaam tak na pahunche mujhe dar ye hai buraai tere naam tak na pahunche mere paas kya vo aate meraa dard kya mitaate meraa haal dekhne ko lab-e-baam tak na pahunche ho kisi ka mujh pe ehsaanye nahin pasand mujh ko teri subh ki tajalli meri shaam tak na pahunche teri berukhi pe zalim meraa jee ye chahta hai ki vafaa ka mere lab par kabhi naam tak na pahunche main fughan-e-be-asar ka kabhi motarif nahin hoon vo sadaa hi kya jo un ke dar-o-baam tak na pahunche vo sanam bigad ke mujh se meraa kya bigaad lega kabhi raaz khol doomain to salaam tak na pahunche mujhe lazzat-e-aseeri ka sabq padha rahe hain jo nikal ke aashiyaan-se kabhi daam tak na pahunche unhen mehrbaansamajh len mujhe kya garz padi hai vo karam ka haath hi kya jo awaam tak na pahunche hue faiz-e-may-kada se sabhi faizyaab lekin jo gareeb tishna-lab the vahii jaam tak na pahunche jise maine jagmagaya usii anjuman men saaqi meraa zikr tak na aa.e meraa naam tak na pahunche tumhein yaad hi na aaunye hai aur baat warna main nahin hoondoor itnaa ki salaam tak na pahunche

vo sitam na dhaaye to kya kare use kya khabar ki vafaa hai kya tu usii ko pyaar kare hai kyun ye kaleem tujh ko hua hai kya tujhe sang-dil ye pata hai kya ki dukhe dilon ki sadaa hai kya k abhii chot tu ne bhi khaai hai k abhii teraa dil bhi dukha hai kya tu raees-e-shahr-e-sitam-garaan main gada-e-koocha-e-aashiqan tu ameer hai to bataa mujhe main gareeb hooñ to bura hai kya tu jafaa men mast hai roz-o-shab main kafan-b-dosh o ghazal-b-lab tire rob-e-husn se chup hain sab main bhi chup rahoon to mazaa hai kya ye kahaan se aayi hai surkh-roo hai har ek jhonka lahu lahu kati jis men gardan-e-aarzoo ye usii chaman ki hawa hai kya abhii teraa daur-e-shabaab hai abhii kya hisaab-o-kitaab hai abhii kya na hogaa jahaan men abhii is jahaan men hua hai kya yahii ham-nava yahii hum-sukhan yahii ham-nishaan yahii ham-watan mirii shaay'ri hi bataayegi mira naam kya hai pata hai kya