raaste jo bhi chamak-daar nazar aate hain sab teri odhni ke taar nazar aate hain koi paagal hi mohabbat se nawaazega mujhe aap to KHair samajhdaar nazar aate hain main kahaan jaaun karoon kis se shikaayat us ki har taraf us ke taraf-daar nazar aate hain zakham bharne lage hain pichhli mulaqaaton ke phir mulaqaat ke aasaar nazar aate hain ek hi baar nazar padti hai un par taabish aur phir vo hi lagaataar nazar aate hain

bagair us..ko bataaye nibh aanaa padta hai ye ishq raaz hai isko chhup aanaa padta hai main apne zehan ki zid se bahut pareshaan hooñ tere khyaal ki chaukhat pe aanaa padta hai tere bagair hi achchhe the kya museebat hai ye kaisa pyaar hai har din jat aanaa padta hai

tumhein us se mohabbat hai to himmat kyun nahin karte kisi din us ke dar pe raqs-e-vahshat kyun nahin karte ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte tumhaare dil pe apna naam likkha ham ne dekha hai hamaari cheez phir ham ko inaayat kyun nahin karte mirii dil ki tabaahi ki shikaayat par kaha us ne tum apne ghar ki cheezein ki hifazat kyun nahin karte badan baitha hai kab se kaasa-e-ummeed ki soorat so de kar vasl ki khairaat ruksat kyun nahin karte qayamat dekhne ke shauq men ham mar mite tum par qayamat karne waalo ab qayamat kyun nahin karte main apne saath jazbon ki jamaat le ke aaya hooñ jab itne muqtedi hain to imaamat kyun nahin karte tum apne hont aaiine men dekho aur phir socho ki ham sirf ek bose par qana'at kyun nahin karte bahut naaraz hai vo aur use ham se shikaayat hai ki is naarazgi ki bhi shikaayat kyun nahin karte kabhi allah-miyaan poochhenge tab un ko bataaenge kisi ko kyun bataayen ham ibadat kyun nahin karte murattab kar liya hai kulliyaat-e-zakhm agar apna to phir ehsaas-jee is ki ishaa'at kyun nahin karte

shaahsaazi men riayaat bhi nahin karte ho saamne aake hukoomat bhi nahin karte ho tumse kya baat kare kaun kahaan qatl hua tum to is zulm pe hairat bhi nahin karte ho ab mere haal pe kyuuñ tumko pareshaani hai ab to tum mujhse muhabbat bhi nahin karte ho pyaar karne ki sanad kaise tumhe jaarii karoon tum abhii theek se nafrat bhi nahin karte ho mashvare hañs ke diya karte the deewaanon ko kya hua ab to naseehat bhi nahin karte ho

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

aur to koi bas na chalega hijr ke dard ke maaron ka subh ka hona doobhar kar den rastaa rok sitaaron ka jhoote sikko men bhi utha dete hain ye akshar saccha maal shaklein dekh ke saude karna kaam hai in banjaaron ka apni zabaan se kuchh na kaheinge chup hi rahenge 'aashiq log tum se to itnaa ho saka hai poochho haal bechaaron ka jis gipsy ka zikr hai tum se dil ko usii ki khoj rahi yuñ to hamaare shahar men akshar mela laga nigaaron ka ek zaraa si baat thii jis ka charcha pahuncha gali gali ham gumnaamon ne phir bhi ehsaan na maana yaaron ka dard ka kehna cheekh hi utho dil ka kehna waz'a nibhaao sab kuchh sahna chup chup rahna kaam hai izzat-daaron ka insha jee ab ajnabiyo'n men chain se baaki umr kate jin ki khaatir bastii chhodi naam na lo un pyaaron ka

apne hamraah jo aate ho idhar se pahle dasht padta hai miyaan ishq men ghar se pahle chal diye uth ke soo-e-shahr-e-wafa koo-e-habeeb pooch lena tha kisi khaak-basar se pahle ishq pahle bhi kiya hijr ka gham bhi dekha itne tadpe hain na ghabraaye na tarse pahle jee bahalta hi nahin ab koi sa'at koi pal raat dhalti hi nahin chaar pahar se pahle ham kisi dar pe na thitke na kahii dastak dii saikron dar the mirii jaañ tire dar se pahle chaand se aankh mili jee ka ujaala jaaga ham ko sau baar hui subh sehar se pahle

ham un se agar mil baithe hain kya dosh hamaara hota hai kuchh apni jasaarat hoti hai kuchh un ka ishaara hota hai katne lagin raatein aankhoñ men dekha nahin palkon par akshar ya shaam-e-ghareebaan ka jugnoo ya subh ka taara hota hai ham dil ko li.e har des phire is jins ke gaahak mil na sake ai banjaaro ham log chale ham ko to khasaara hota hai daftar se uthe kaife men ga.e kuchh she'r kahe kuchh coffee pee poochho jo ma'aash ka insha'-ji yuñ apna guzaara hota hai

us shaam vo ruksat ka samaan yaad rahega vo shahar vo koocha vo makaan yaad rahega vo tees ki ubhri thii idhar yaad rahegi vo dard ki utha tha yahaañ yaad rahega ham shauq ke shole ki lapak bhool bhi jaayen vo sham-e-fasurda ka dhuaan yaad rahega haan bazm-e-shabaana men hama-shauq jo us din ham the tiri jaanib nigaraan yaad rahega kuchh meer ke abyaat the kuchh faiz ke misre ik dard ka tha jin men bayaañ yaad rahega aankhoñ men sulagti hui vehshat ke jilau men vo hairat o hasrat ka jahaan yaad rahega jaan-bakhsh si us barg-e-gul-e-tar ki taraawat vo lams-e-azeez-e-do-jahaan yaad rahega ham bhool sake hain na tujhe bhool sakenge tu yaad rahega ha men haan yaad rahega

jog bijog ki baatein jhoothi sab jee ka bahaana ho phir bhi ham se jaate jaate ek ghazal sun jaana ho saari duniya akl ki bairi kaun yahaan par sayaana ho naahak naam dharen sab ham ko deewaana deewaana ho tum ne to ik reet banaa li sun lena sharmaana ho sab ka ek na ek thikaana apna kaun thikaana ho nagri nagri laakhon dwaare har dwaare par laakh sukhi lekin jab ham bhool chuke hain daaman ka phailaana ho tere ye kya jee men aayi kheench liye sharma kar hont ham ko zahar pilaane waali amrit bhi pilwaana ho ham bhi jhoothe tum bhi jhoothe ek isee ka saccha naam jis se deepak jalnaa seekha parwaana mar jaana ho seedhe man ko aan dabochhe meethi baatein sundar log meer nazeer kabeer aur insha sab ka ek gharaana ho