almaari se khat us ke purane nikal aa.e phir se mire chehre pe ye daane nikal aa.e maa baith ke takti thii jahaan se mira rastaa miTTi ke hataate hi khazaane nikal aa.e mumkin hai ha men gaav bhi pahchaan na paa.e bachpan men hi ham ghar se kamaane nikal aa.e ai ret ke zarre tira ehsaan bahut hai aankhoñ ko bhigone ke bahaane nikal aa.e ab tere bulane se bhi ham aa nahin sakte ham tujh se bahut aage zamaane nikal aa.e ek khauf sa rehta hai mire dil men hamesha kis ghar se tiri yaad na jaane nikal aa.e

chaman men kaun babulon ki daal kheenchta hai yahaañ jo aata hai phoolon ke gaal kheenchta hai vo teer baad men pahle sawaal kheenchta hai sawaal bhi jo sama'at ki khaal kheenchta hai ai pyaar baantne waale main khoob jaanta hooñ ki kitnii der men machwaara jaal kheenchta hai nikal bhi saka hooñ qaid-e-takhayyulaat se gar vo shaKHs kheench le jis ka khayal kheenchta hai main us ke aage nahin kheenchta niyaam se teg vo sher-shah jo dushman ki dhaal kheenchta hai ye sard subh men soya sharaati suraj bas aankh khulte hi pariyon ki shaal kheenchta hai main hosh-mand hooñ KHud bhi so meri ghazalon meinna raqs karta hai 'aashiq na baal kheenchta hai

ab naye sapne sajaana aapko shaa dii mubarak raat din bas muskurana aapko shaa dii mubarak yaad karvaai thii maine jo ghazal meri kabhi vo ho sake to bhool jaana aapko shaa dii mubarak jaanta hooñ man karega baat karlen ik dafa bas phone lekin mat lagana aapko shaa dii mubarak door ab maa baap se ghar se hamesha hi rahoge waqt par kha lena khaana aapko shaa dii mubarak aapse ye iltijaa main jab kabhi tv pe aaun aap channel mat hatana aapko shaa dii mubarak pooch le koi saheli kya hua us ishq ka to dosh mujhpar hi lagana aapko shaa dii mubarak aapne shaa dii rachaai to meri ummeed tooti shukriya karta deewaana aapko shaa dii mubarak

daayein baazu men gada teer nahin kheench sakaa is li.e khol se shamsheer nahin kheench sakaa shor itnaa tha ki awaaz bhi dabbe men rahi bheed itni thii ki zanjeer nahin kheench sakaa har nazar se nazar-andaaz-shuda manzar hooñ vo madaari hooñ jo rahgeer nahin kheench sakaa main ne mehnat se hatheli pe lakeeren kheenchin vo jinhen kaatib-e-taqdeer nahin kheench sakaa main ne tasveer-kashi kar ke jawaan ki aulaad un ke bachpan ki tasaaveer nahin kheench sakaa mujh pe ik hijr musallat hai hamesha ke li.e aisa jin hai ki koi peer nahin kheench sakaa tum pe kya KHaak asar hogaa mire she'r'on ka tum ko to meer-taqi-'meer' nahin kheench sakaa

aur kya aaKHir tujhe ai zindagaani chahiye aarzoo kal aag ki thii aaj paani chahiye ye kahaan ki reet hai jaage koi soye koi raat sab ki hai to sab ko neend aani chahiye is ko hansne ke li.e to us ko rone ke li.e vaqt ki jholi se sab ko ik kahaanii chahiye kyun zaroori hai kisi ke peeche peeche ham chalen jab safar apna hai to apni ravaani chahiye kaun pahchaanega daanish ab tujhe kirdaar se be-muravvat vaqt ko taaza nishaani chahiye

falak se chaand sitaaron se jaam lena hai mujhe sehar se nayi ek shaam lena hai kise khabar ki farishte ghazal samjhte hain KHuda ke saamne kaafir ka naam lena hai mua'amla hai tira badtareen dushman se mire aziz mohabbat se kaam lena hai mehkati zulfon se KHushboo chamakti aankh se dhoop shabon se jaam-e-sehr ka salaam lena hai tumhaari chaal ki aahistagi ke lehje men sukhun se dil ko masalne ka kaam lena hai nahin main meer ke dar par kabhi nahin jaata mujhe KHuda se ghazal ka kalaam lena hai bade saleeqe se noton men us ko tulwa kar ameer-e-shahr se ab intiqaam lena hai

maan mausam ka kaha chhaai ghatta jaam utha aag se aag bujha phool khila jaam utha pee mire yaar tujhe apni qasam deta hooñ bhool ja shikwa gilaa haath mila jaam utha haath men chaand jahaan aaya muqaddar chamka sab badal jaayega qismat ka likha jaam utha ek pal bhi kabhi ho jaata hai sadiyon jaisa der kya karna yahaañ haath badha jaam utha pyaar hi pyaar hai sab log barabar hain yahaañ may-kade men koi chhota na badaa jaam utha

jab raat ki tanhaaii dil ban ke dhadkati hai yaadon ke dareechon men chilman si sarkati hai loban men chingaari jaise koi rakh jaa.e yuñ yaad tiri shab bhar seene men sulagti hai yuñ pyaar nahin chhupta palkon ke jhukaane se aankhoñ ke lifaafon men tahreer chamakti hai khush-rang parindon ke laut aane ke din aa.e bichhde hue milte hain jab barf pighalti hai shohrat ki bulan dii bhi pal bhar ka tamasha hai jis daal pe baithe ho vo toot bhi sakti hai

jab tak nigaar-e-dasht ka seena dukha na tha sehra men koi laala-e-sehra khila na tha do jheelein us ki aankhoñ men lahara ke so gaeeinus vaqt meri umr ka dariyaa chadha na tha jaagi na theen nason men tamannaa ki naaginenus gandumee sharaab ko jab tak chakha na tha dhoonda karo jahaan-e-tahayyur men umr bhar vo chalti phirti chaanv hai main ne kaha na tha ik be-vafa ke saamne aañsu behaate ham itnaa hamaari aankh ka paani mara na tha vo kaale hont jaam samajh kar chadha ga.e vo aab jis se main ne wuzoo tak kiya na tha sab log apne apne KHudaaon ko laaye the ek ham aise the ki hamaara KHuda na tha vo kaali aañkhen shahar men mashhoor theen bahut tab un pe mote sheeshon ka chashma chadha na tha main saahib-e-ghazal tha haseenon ki bazm men sar par ghanere baal the maatha khula na tha

subh ka jharna hamesha hansne waali auratein jhut-pute ki naddiyan KHaamosh gahri auratein mo'tadil kar deti hain ye sard mausam ka mizaaj barf ke teelon pe chadhti dhoop jaisi auratein sabz naaranji sunhari khatti meethi ladkiyaan bhari jismoon waali tapke aam jaisi auratein sadkon bazaaron makaanon daftaron men raat din laal neeli sabz neeli jaltee bujhti auratein shahar men ik baagh hai aur baagh men taalaab hai tairti hain is men saaton rang waali auratein saikron aisi dukanein hain jahaan mil jaayeñgi dhaat ki patthar ki sheeshe ki rabar ki auratein munjamid hain barf men kuchh aag ke paikar abhii maqbaro'n ki chadaren hain phool jaisi auratein un ke andar pak raha hai vaqt ka aatish-fishaan jin pahaadon ko dhake hain barf jaisi auratein aañsuon ki tarah taare gir rahe hain arsh se ro rahi hain aasmaanon ki akeli auratein ghaur se suraj nikalte vaqt dekho aasmaañ choomti hain kis ka maatha ujli lambi auratein sabz sone ke pahaadon par qataar-andar-qataar sar se sar jode khadi hain lambi seedhi auratein Vaaqaii dono bahut mazloom hain naqqaad aur maa kahe jaane ki hasrat men sulagti auratein