uske haathon men jo khanjar hai zyaada tez hai aur phir bachpan se hi uskaa nishaana tez hai jab kabhi us paar jaane ka khyaal aata mujhe koi aahista se kahtaa tha ki dariyaa tez hai aaj milnaa tha bichhad jaane ki niyat se ha men aaj bhi vo der se pahuncha hai kitna tez hai apna sab kuchh haar ke laut aaye ho na mere paas main tumhe kahtaa bhi rehta ki duniya tez hai aaj uske gaal choo men hain to andaaza hua chaai achchhii hai magar thoda sa meetha tez hai

is tarah se na aajmao mujhe uski tasveer mat dikhaao mujhe ain mumkin hai main palat aaun uski aawaaz men bulao mujhe maine bola tha yaad mat aanaa jhooth bola tha yaad aao mujhe

bagair us..ko bataaye nibh aanaa padta hai ye ishq raaz hai isko chhup aanaa padta hai main apne zehan ki zid se bahut pareshaan hooñ tere khyaal ki chaukhat pe aanaa padta hai tere bagair hi achchhe the kya museebat hai ye kaisa pyaar hai har din jat aanaa padta hai

to kya ye aakhiri KHvaahish hai achha bhool jaaun jahaan bhi jo bhi hai tere alaava bhool jaaun to kya ye doosra hi ishq asli ishq samjhoon to pehla tajarbe kii den men tha bhool jaaun to kya itnaa hi aasaan hai kisi ko bhool jaana ki bas baaton hi baaton men bhulaata bhool jaaun kabhi kahtaa hooñ us..ko yaad rakhna theek hogaa magar phir sochta hooñ faaeda kya bhool jaaun ye koii qatl thodii hai ki baat aayi gaii ho main aur apna nazar-andaaz hona bhool jaaun hai itni juziyaat is saanhe kii poochiye mat main kya kya yaad rakhoon aur kya kya bhool jaaun koii kab tak kisi kii be-vafaaii yaad rakhe bahut mumkin hai main bhi rafta rafta bhool jaaun to kya ye kah ke KHud ko mutmain kar loge javvaad ki vo hai bhi isi laaiq lihaaza bhool jaaun

mujh men kitne raaz hain batlaaoon kya band ek muddat se hooñ khul jaaun kya aajizi minnat khushamad iltijaa aur main kya kya karoon mar jaaun kya tere jalse men teraa parcham li.e saikron laashen bhi hain ginwaaoon kya kal yahaan main tha jahaan tum aaj ho main tumhaari hi tarah itraaoon kya ek patthar hai vo meri raah ka gar na thukraaoon to thokar khaaoon kya phir jagaaya tune soye she'r ko phir vahii lahjaa daraazi aaun kya

haath aa.e to vahii daaman-e-jaanaan ho jaa.e chhoot jaa.e to vahii apna garebaan ho jaa.e ishq ab bhi hai vo mehram-e-be-gaana-numa husn yuñ laakh chhupe laakh numayaan ho jaa.e hosh-o-ghaflat se bahut door hai kaifiyyat-e-ishqus ki har be-khabri manzil-e-irfaan ho jaa.e yaad aati hai jab apni to tadap jaata hooñ mirii hasti tira bhoola hawa paimaan ho jaa.e aankh vo hai jo tiri jalwa-gah-e-naaz bane dil vahii hai jo saraapa tira armaan ho jaa.e paak-baazaan-e-mohabbat men jo bebaki hai husn gar us ko samajh le to pashemaan ho jaa.e sahal ho kar hui dushwaar mohabbat teri use mushkil jo banaa len to kuchh aasaan ho jaa.e ishq phir ishq hai jis roop men jis bhes men ho ishrat-e-wasl bane ya gham-e-hijraan ho jaa.e kuchh mudaava bhi ho majrooh dilon ka ai dost marham-e-zakhm tira jaur-pashemaan ho jaa.e ye bhi sach hai koi ulfat men pareshaan kyun ho ye bhi sach hai koi kyunkar na pareshaan ho jaa.e ishq ko arz-e-tamanna men bhi laakhon pas-o-pesh husn ke vaaste inkaar bhi aasaan ho jaa.e jhilmilaati hai sar-e-bazm-e-jahaan sham-e-khu dii jo ye bujh jaa.e charaagh-e-rah-e-irfaan ho jaa.e sar-e-shooreeda diya dasht-o-bayaabaan bhi diye ye mirii khoobi-e-qismat ki vo zindaan ho jaa.e uqda-e-ishq ajab uqda-e-mohmal hai firaq kabhi la-hal kabhi mushkil kabhi aasaan ho jaa.e

bastiyaan Dhoondh rahi hain unhen veeraanon men vahshatein badh gaiin had se tire deewaanon men nigah-e-naaz na deewaanon na farzaanon men jaankaar ek vahii hai magar an-jaanon men bazm-e-may be-khud-o-be-taab na kyun ho saaqi mauj-e-baada hai ki dard uthata hai paimaanon men main to main chaunk u thii hai ye faza-e-khaamosh ye sadaa kab ki sooni aati hai phir kaanon men sair kar ujde dilon ki jo tabeeyat hai udaas jee bahl jaate hain akshar inheen veeraanon men wusaaten bhi hain nihaan tangi-e-dil men ghaafil jee bahl jaate hain akshar inheen maidaanon men jaan eemaan-e-junoon silsila jumbaan-e-junoon kuchh kashish-ha-e-nihaan jazb hain veeraanon men khanda-e-subh-e-azal teergi-e-shaam-e-abad dono aalam hain chhalakte hue paimaanon men dekh jab aalam-e-hoo ko to naya aalam hai bastiyaan bhi nazar aane lagin veeraanon men jis jagah baith ga.e aag laga kar utthe garmiyaan hain kuchh abhii sokhta-saamaanoń men vahshatein bhi nazar aati hain sar-e-parda-e-naaz daamanoń men hai ye aalam na garebaanon men ek rangeeni-e-zaahir hai gulistaan men agar ek shaadabi-e-pinhaan hai biyaabaanon men jauhar-e-ghuncha-o-gul men hai ik andaaz-e-junoon kuchh biyaabaan nazar aa.e hain garebaanon men ab vo rang-e-chaman-o-khanda-e-gul bhi na rahe ab vo aasaar-e-junoon bhi nahin deewaanon men ab vo saaqi ki bhi aañkhen na raheen rindon men ab vo saaghar bhi chhalakte nahin may-khaanon men ab vo ik soz-e-nihaani bhi dilon men na raha ab vo jalwe bhi nahin ishq ke kaashaanon men ab na vo raat jab ummeedein bhi kuchh theen tujh se ab na vo baat gham-e-hijr ke afsaano men ab tira kaam hai bas ahl-e-wafa ka paana ab tira naam hai bas ishq ke gham-khaanon men ta-b-kai waada-e-mauhoom ki tafseel firaq shab-e-furqat kahii kattee hai in afsaano men

deedaar men ik turfah deedaar nazar aaya har baar chhupa koi har baar nazar aaya chhaalon ko biyaabaan bhi gulzaar nazar aaya jab chhed par aamada har khaar nazar aaya subh-e-shab-e-hijraan ki vo chaak-garebaani ik aalam-e-nairangi har taar nazar aaya ho sabr ki betaabi ummeed ki maayusi nairang-e-mohabbat bhi be-kaar nazar aaya jab chashm-e-siyah teri thii chhaai hui dil par is mulk ka har khitaa taataar nazar aaya tu ne bhi to dekhi thii vo jaati hui duniya kya aakhri lamhon men beemaar nazar aaya ghash kha ke gire moosa allah-ree maayusi halka sa vo parda bhi deewaar nazar aaya zarra ho ki qatra ho khum-khaana-e-hasti men makhmoor nazar aaya sarshaar nazar aaya kya kuchh na hua gham se kya kuchh na kiya gham ne aur yuñ to hua jo kuchh be-kaar nazar aaya ai ishq qasam tujh ko ma'amura-e-aalam ki koi gham-e-furqat men gham-khwaar nazar aaya shab kat gaii furqat ki dekha na firaq aaKHir tool-e-gham-e-hijraan bhi be-kaar nazar aaya

firaq ik nayi soorat nikal to sakti hai ba-qaul us aankh ke duniya badal to sakti hai tire khayal ko kuchh chup si lag gaii warna kahaaniyon se shab-e-gham bahl to sakti hai uroos-e-dehr chale kha ke thokren lekin qadam qadam pe jawaani ubal to sakti hai palat pade na kahii us nigaah ka jaadu ki doob kar ye chhuri kuchh uchhal to sakti hai bujhe hue nahin itne bujhe hue dil bhi fasuregi men tabi'at machal to sakti hai agar tu chahe to gham waale shaadmaan ho jaayen nigah-e-yaar ye hasrat nikal to sakti hai ab itni band nahin gham-kadon ki bhi raahen hawa-e-kooch-e-mahboob chal to sakti hai karde hain kos bahut manzil-e-mohabbat ke mile na chaanv magar dhoop dhal to sakti hai hayaat lau tah-e-daaman-e-marg de utthi hawa ki raah men ye shama' jal to sakti hai kuchh aur maslahat-e-jazb-e-ishq hai warna kisi se chhut ke tabi'at sambhal to sakti hai azal se soi hai taqdeer-e-ishq maut ki neend agar jagaaiye karvat badal to sakti hai gham-e-zamaana-o-soz-e-nihaan ki aanch to de agar na toote ye zanjeer gal to sakti hai shareek-e-sharm-o-haya kuchh hai bad-gumaani-e-husn nazar utha ye jhijak si nikal to sakti hai kabhi vo mil na sakegi main ye nahin kahtaa vo aankh aankh men pad kar badal to sakti hai badalta jaa.e gham-e-rozgaar ka markaz ye chaal gardish-e-ayyaam chal to sakti hai vo be-niyaaz sahi dil mata-e-hech sahi magar kisi ki jawaani machal to sakti hai tiri nigaah sahaara na de to baat hai aur ki girte girte bhi duniya sambhal to sakti hai ye zor-o-shor salaamat tiri jawaani bhi ba-qaul ishq ke saanche men dhal to sakti hai suna hai barf ke tukde hain dil haseenon ke kuchh aanch pa ke ye chaan dii pighal to sakti hai hañsi hañsi men lahu thookte hain dil waale ye sar-zameen magar laal ugal to sakti hai jo tu ne tark-e-mohabbat ko ahl-e-dil se kaha hazaar narm ho ye baat khal to sakti hai are vo maut ho ya zindagi mohabbat parna kuchh sahi kaf-e-afsos mal to sakti hai hain jis ke bal pe khade sarkashon ko vo dharti agar kuchal nahin sakti nigal to sakti hai hui hai garm lahu pee ke ishq ki talwaar yuñ hi jilaaiye ja ye shaakh phal to sakti hai guzar rahi hai dabey paanv ishq ki devi subuk-ravi se jahaan ko masal to sakti hai hayaat se nigah-e-vaapsi hai kuchh maanoos mire khayal se aankhoñ men pal to sakti hai na bhoolna ye hai taakheer husn ki taakheer firaq aayi hui maut tal to sakti hai

shaam-e-gham kuchh us nigaah-e-naaz ki baatein karo be-khu dii badhti chali hai raaz ki baatein karo ye sukoot-e-naaz ye dil ki ragon ka tootna KHaamushi men kuchh shikast-e-saaz ki baatein karo nikhat-e-zulf-e-pareshaan daastaan-e-shaam-e-gham subh hone tak isee andaaz ki baatein karo har rag-e-dil vajd men aati rahe dukhti rahe yoonhi us ke jaa-o-beja naaz ki baatein karo jau adam ki jaan hai jo hai paayam-e-zindagius sukoot-e-raaz us awaaz ki baatein karo ishq rusva ho chala be-kaif sa bezaar sa aaj us ki nargis-e-ghammaaz ki baatein karo naam bhi lena hai jis ka ik jahaan-e-rang-o-boo dosto us nau-bahaar-e-naaz ki baatein karo kis li.e uzr-e-taghaful kis li.e ilzaam-e-ishq aaj charkh-e-tafarqa-parvaaz ki baatein karo kuchh qafas ki teeliyon se chan raha hai noor sa kuchh fazaa kuchh hasrat-e-parvaaz ki baatein karo jo hayaat-e-jaavidaan hai jo hai marg-e-na-gahaan aaj kuchh us naaz us andaaz ki baatein karo ishq-e-be-parwa bhi ab kuchh na-shakeba ho chala shokhi-e-husn-e-karishma-saaz ki baatein karo jis ki furqat ne palat dii ishq ki kaaya firaq aaj us eesa-nafs dam-saaz ki baatein karo