kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga tu to beenaai hai meri tere alaava mujhe kuchh bhi dikhta nahin maine tujhko agar tere ghar pe utaara to main kaise ghar jaaunga chahta hooñ tumhein aur bahut chahta hooñ tumhein KHud bhi maaloom hai haan agar mujhse poocha kisi ne to main seedha munh par mukar jaaunga tere dil se tere shahar se tere ghar se teri aankh se tere dar se teri galiyon se tere watan se nikala hua hooñ kidhar jaaunga

khaatir se ya lihaaz se main maan to gaya jhooti qasam se aap ka eimaan to gaya dil le ke muft kahte hain kuchh kaam ka nahin ulti shikaayaten hui ehsaan to gaya dartaa hooñ dekh kar dil-e-be-aarzoo ko main sunsaan ghar ye kyun na ho mehmaan to gaya kya aa.e raahat aayi jo kunj-e-mazaar men vo valvala vo shauq vo armaan to gaya dekha hai but-kade men jo ai shaikh kuchh na pooch eimaan ki to ye hai ki eimaan to gaya ifsha-e-raaz-e-ishq men go zillatein hui lekin use jata to diya jaan to gaya go nama-bar se KHush na hua par hazaar shukr mujh ko vo mere naam se pahchaan to gaya bazm-e-aduu men soorat-e-parwaana dil mira go rashk se jala tire qurbaan to gaya hosh o hawas o taab o tavaan daagh ja chuke ab ham bhi jaane waale hain samaan to gaya

ranj ki jab guftugoo hone lagii aap se tum tum se tu hone lagii chahiye paigham-bar dono taraf lutf kya jab doo-b-doo hone lagii meri ruswaai ki naubat aa gaii un ki shohrat koo-b-koo hone lagii hai tiri tasveer kitnii be-hijaab har kisi ke roo-b-roo hone lagii gair ke hote bhala ai shaam-e-wasl kyun hamaare roo-b-roo hone lagii na-ummee dii badh gaii hai is qadar aarzoo ki aarzoo hone lagii ab ke mil kar dekhiye kya rang ho phir hamaari justuju hone lagii daagh itraaye hue firte hain aaj shaayad un ki aabroo hone lagii

gair ko munh laga ke dekh liya jhooth sach aazma ke dekh liya un ke ghar daagh ja ke dekh liya dil ke kehne men aa ke dekh liya kitnii farhat-faza thii boo-e-wafaus ne dil ko jala ke dekh liya kabhi ghash men raha shab-e-wa'da kabhi gardan utha ke dekh liya jins-e-dil hai ye vo nahin sauda har jagah se manga ke dekh liya log kahte hain chup lagii hai tujhe haal-e-dil bhi suna ke dekh liya jaao bhi kya karoge mehr-o-wafa baar-ha aazma ke dekh liya zakhm-e-dil men nahin hai qatra-e-khoon khoob ham ne dikha ke dekh liya idhar aaina hai udhar dil hai jis ko chaaha utha ke dekh liya un ko khilvat-sara men be-parda saaf maidaan pa ke dekh liya us ne subh-e-shab-e-visaal mujhe jaate jaate bhi aa ke dekh liya tum ko hai wasl-e-ghair se inkaar aur jo ham ne aa ke dekh liya daagh ne khoob aashiqi ka mazaa jal ke dekha jala ke dekh liya

in aankhoñ ne kya kya tamasha na dekha haqeeqat men jo dekhna tha na dekha tujhe dekh kar vo dui uth gaii hai ki apna bhi saani na dekha na dekha un aankhoñ ke qurbaan jaaun jinhon ne hazaaron hijaabo men parwaana dekha na himmat na qismat na dil hai na aañkhenna dhoonda na paaya na samjha na dekha mareezaan-e-ulfat ki kya be-kasi hai maseeha ko bhi chaara-farmaa na dekha bahut dard-mandon ko dekha hai tu ne ye seena ye dil ye kaleja na dekha vo kab dekh saka hai us ki tajalli jis insaan ne apna hi jalwa na dekha bahut shor sunte the is anjuman ka yahaañ aa ke jo kuchh suna tha na dekha safaai hai baagh-e-mohabbat men aisi ki baad-e-saba ne bhi tinka na dekha use dekh kar aur ko phir jo dekhe koi dekhne vaala aisa na dekha vo tha jalwa-aara magar tu ne moosana dekha na dekha na dekha na dekha gaya kaarwaan chhod kar mujh ko tanhaa zaraa mere aane ka rastaa na dekha kahaan naqsh-e-awwal kahaan naqsh-e-saani KHuda ki KHudaai men tujh sa na dekha tiri yaad hai ya hai teraa tasavvur kabhi daagh ko ham ne tanhaa na dekha

bhaven tanati hain khanjar haath men hai tan ke baithe hain kisi se aaj bigdi hai ki vo yuñ ban ke baithe hain dilon par saikron sikke tire joban ke baithe hain kalejon par hazaaron teer is chitwan ke baithe hain ilaahi kyun nahin uthatii qayamat maajra kya hai hamaare saamne pahluu men vo dushman ke baithe hain ye gustaakhi ye chhed achchhii nahin hai ai dil-e-naadaañ abhii phir rooth jaayenge abhii to man ke baithe hain asar hai jazb-e-ulfat men to khinch kar aa hi jaayenge ha men parwa nahin ham se agar vo tan ke baithe hain subuk ho jaayenge gar jaayenge vo bazm-e-dushman men ki jab tak ghar men baithe hain vo laakhon man ke baithe hain fusoon hai ya dua hai ya mu'ammaa khul nahin saka vo kuchh padhte hue aage mire madfan ke baithe hain bahut roya hooñ main jab se ye main ne KHvaab dekha hai ki aap aañsu behaate saamne dushman ke baithe hain khade hon zer-e-tooba vo na dam lene ko dam bhar bhi jo hasrat-mand tere saaya-e-daaman ke baithe hain talaash-e-manzil-e-maqsad ki gardish uth nahin sakti kamar khole hue raaste men ham rehzan ke baithe hain ye josh-e-giryaa to dekho ki jab furqat men roya hooñ dar o deewaar ik pal men mire madfan ke baithe hain nigaah-e-shokh o chashm-e-shauq men dar-parda chhanti hai ki vo chilman men hain nazdeek ham chilman ke baithe hain ye uthna baithna mehfil men un ka rang laayega qayamat ban ke uthhenge bhobooka ban ke baithe hain kisi ki shaamat aayegi kisi ki jaan jaayegi kisi ki taak men vo baam par ban-than ke baithe hain qasam de kar unhen ye pooch lo tum rang-dhang us ke tumhaari bazm men kuchh dost bhi dushman ke baithe hain koi chheenta pade to daagh kolkata chale jaayen azeemaabad men ham muntazir saawan ke baithe hain