chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii aur hi tarah ki aañkhen thii tere chehre par tu kisi aur sitaare se chamak laai thii teri awaaz hi sabkuchh thii mujhe monis-e-jaan kya karun main ki tu boli hi bahut kam mujhse teri chup se hi yahii mehsoos kiya tha maine jeet jayega teraa gham kisi roz mujhse shahar aawaazen lagata tha magar tu chup thii ye taalluq mujhe khaata tha magar tu chup thii vahii anjaam tha jo ishq ka aagaaz se hai tujhko paaya bhi nahin tha ki tujhe khona tha chali aati hai yahii rasm kaii sadiyon se yahii hota hai yahii hogaa yahii hona tha poochta rehta tha tujhse ki bataa kya dukh hai aur meri aankh men aañsu bhi nahin hote the maine andaaze lagaye ke sabab kya hogaa par mere teer taraazu bhi nahin hote the jiska dar tha mujhe maaloom pada logon se phir vo khush-bakht palat aaya teri duniya men jiske jaane pe mujhe tune jagah dii dil men meri qismat men hi jab khaali jagah likhi thii tujhse shikwa bhi agar karta to kaise karta main vo sabza tha jise raund diya jaata hai main vo jungle tha jise kaat diya jaata hai main vo dard tha jise dastak ki kamii khaati hai main vo manzil tha jahaan tooti sadak jaati hai main vo ghar tha jise aabaad nahin karta koi main to vo tha jise yaad nahin karta koi KHair is baat ko tu chhod bataa kaisi hai tune chaaha tha jise vo tere nazdeek to hai kaun se gham ne tujhe chaat liya andar se aaj kal phir se tu chup rahtii hai sab theek to hai

"Hamesha der kar deta hooñ" hamesha der kar deta hooñ main har kaam karne men zaroori baat kahni ho koi vaa'da nibhaana ho use awaaz deni ho use waapas bulaana ho hamesha der kar deta hooñ main madad karne ho us ki yaar ki dhaaras bandhaana ho bahut deerina raston par kisi se milne jaana ho hamesha der kar deta hooñ main badalte mausamon ki sair men dil ko lagana ho kisi ko yaad rakhna ho kisi ko bhool jaana ho hamesha der kar deta hooñ main kisi ko maut se pahle kisi gham se bachaana ho haqeeqat aur thii kuchh us ko ja ke ye bataana ho hamesha der kar deta hooñ main har kaam karne men

mariyam main aainon se gurez karte hue pahaadon ki kokh men saans lene waali udaas jheelon men apne chehre ka aks dekhooñ to sochta hooñ ki mujh men aisa bhi kya hai mariyam tumhaari be-sakhta mohabbat zameen pe phaile hue samandar ki wusaaton se bhi maavra hai mohabbaton ke samundaron men bas ek bahira-e-hijr hai jo bura hai mariyam khala-navardon ko jo sitaare muaawze men mile the vo unki raushni men ye sochte hain ki vaqt hi to KHuda hai mariyam aur is taalluq ki gathriyon men ruki hui saatyon se hatkar mere li.e aur kya hai mariyam abhii bahut vaqt hai ki ham vaqt de zaraa ik doosre ko magar ham ik saath rahkar bhi KHush na rah sake to muaaf karna ki maine bachpan hi dukh ki dahleez par guzaara main un charaaghon ka dukh hooñ jinki love shab-e-intezaar men bujh gaii magar unse uthne vaala dhuaan zamaan-o-makaan men faila hua hai ab tak main kohsaaron aur unke jismoon se bahne waali un aabshaaron ka dukh hooñ jinko zameen ke chehron par rengte rengte zamaane guzar ga.e hain jo log dil se utar ga.e hain kitaaben aankhoñ pe rakh ke soye the mar ga.e hain main unka dukh hooñ jo jism khud-lazzatee se ukta ke aainon ki tasalliyon men pale badhe hain main unka dukh hooñ main ghar se bhaage huo ka dukh hooñ main raat jaage huo ka dukh hooñ main sahilon se bandhi hui kashtiyon ka dukh hooñ main laapata ladkiyon ka dukh hooñ khulii hue khidkiyon ka dukh hooñ mitti hui takhtiyon ka dukh hooñ thake hue baadlon ka dukh hooñ jale hue junglon ka dukh hooñ jo khul kar barsi nahin hai main us ghatta ka dukh hooñ zameen ka dukh hooñ KHuda ka dukh hooñ bala ka dukh hooñ jo shaakh saawan men foottee hai vo shaakh tum ho jo peeng baarish ke baad ban ban ke tootti hai vo peeng tum ho tumhaare hothon se saatyon ne sama'aton ka sabq liya hai tumhaari hi shaakh-e-sandlee se samundaron ne namak liya hai tumhaara meraa muaamla hi juda hai mariyam tumhein to sab kuchh pata hai mariyam

mujhse pahle mujhse pahle tujhe jis shaKHs ne chaaha usne shaayad ab bhi tira gham dil se laga rakkha ho ek be-naam sii ummeed pe ab bhi shaayad apne KHvaabon ke jazeeron ko saja rakkha ho maine maana ki vo begana-e-paiman-e-wafa kho chuka hai jo kisi aur kii raa'naai men shaayad ab laut ke aa.e na tiri mehfil men aur koii dukh na rul aa.e tujhe tanhaaii men maine maana ki shab-o-roz ke hangaamon men vaqt har gham ko bhula deta hai rafta rafta chahe ummeed kii shamaein hon ki yaadon ke charaaghh mustaqil bod bujha deta hai rafta rafta phir bhi maazi ka khayal aata hai gahe-gahe muddatein dard kii lau kam to nahin kar saktin zaKHm bhar jaayen magar daagh to rah jaata hai dooriyon se kabhi yaaden to nahin mar saktin ye bhi mumkin hai ki ik din vo pasheemaan ho kar tere paas aa.e zamaane se kinaara kar le tu ki maasoom bhi hai zood-faramosh bhi hai uski paimaan-shikni ko bhi gawara kar le aur main jisne tujhe apna maseeha samjha ek zaKHm aur bhi pahle kii tarah sah jaaun jis pe pahle bhi kaii ahad-e-wafaa toote hain isi do-raahe pe chup-chaap khada rah jaaun

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

"hitch-hiker" main ki do roz ka mehmaan tire shahar men tha ab chala hooñ to koi faisla kar bhi na sakaa zindagi ki ye ghadi tootaa pul ho jaise ki thehar bhi na sakoon aur guzar bhi na sakoon mehrbaan hain tiri aañkhen magar ai moonis-e-jaan in se har zakhm-e-tamanna to nahin bhar sakaa aisi be-naam masafat ho to manzil kaisi koi bastii ho basera hi nahin kar sakaa ek muddat hui laila-e-watan se bichhde ab bhi rishte hain magar zakham purane mire jab se sarsar mire gulshan men chali hai tab se barg-e-aawara ki maanind thikaane mire aaj is shahar kal us shahar ka rastaa lena haaye kya cheez ghareeb-ul-watani hoti hai ye safar itnaa musalsal hai ki thak haar ke bhi baith jaata hooñ jahaan chaanv ghani hoti hai tu bhi aisa hi dil-aaraam shajar hai jis ne mujh ko is dasht-e-qayaamat se bachaaye rakha ek aashufta-sar o aabla-pa ki khaatir kabhi zulfon kabhi palkon ko bichhaaye rakha dukh to har vaqt ta'aqub men raha karte hain yoon panahon men kahaan tak koi rah sakaa hai kab talak ret ki deewaar sambhaale koi vo thakan hai ki meraa jism bhi dhah sakaa hai ajnabi log naye log paraai galiyaan zindagi aise qaraein men kategi kaise teri chaahat bhi muqaddas teri qurbat bhi behisht des pradesh ki tafriq ghathegi kaise na-guzeer aaj hua jaise bichadna apna kal kisi roz mulaqaat bhi imkaan men hai main ye pairahan-e-jaan kaise badal sakaa hooñ ki tira haath mire dil ke garebaan men hai