chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

yaad hai pahle roz kaha tha yaad hai pahle roz kaha tha phir na kehna ghalti dil ki pyaar samajh ke karna ladki pyaar nibh aanaa hota hai phir paar lagana hota hai yaad hai pahle roz kaha tha saath chalo to poore safar tak mar jaane ki agli khabar tak samjho yaar KHuda tak hogaa saara pyaar vafaa tak hogaa phir ye bandhan tod na j aanaa chhod ga.e to phir na aanaa chhod diya jo teraa nahin hai chala gaya jo meraa nahin hai yaad hai pahle roz kaha tha ya to toot ke pyaar na karna ya phir peeth pe vaar na karna jab nadaani ho jaati hai nayi kahaanii ho jaati hai nayi kahaanii likh laaunga agle roz main bik jaaunga tere gul jab khil jaayenge mujh...ko paise mil jaayenge yaad hai pahle roz kaha tha bichhad ga.e to mauj udh aanaa waapas mere paas na aanaa jab koi jaakar waapas aa.e roye tadpe ya pachht aa.e main phir us..ko milta nahin hooñ saath dobara chaltaa nahin hooñ gum jaata hooñ kho jaata hooñ main patthar ka ho jaata hooñ

tum hamaare li.e tum hamaare li.e archana ban gaii ham tumhaare li.e ek darpan priye tum milo to sahi haal poochho meraa ham na ro den to kah dena patthar priye pyaar milnaa nahin tha agar bhaagya men devataaon ne hamse ye chhal kyuuñ kiya mere dil men bharii ret hi ret thii deke amrit ye hamko vikal kyuuñ kiya apsara ho to ho par hamaare li.e tum hi sundar sukomal sughar ho priye devataaon ke ganitiy sansaar men aisa bhi hai nahin koii achha na tha ham agar is janam bhi nahin mil sake sab kahenge yahii pyaar sachcha na tha kaaroon ko kabhi pyaar milta nahin faisla koii le lo ki datkar priye mummy kahti theen chanda bahut door hai chaand se aage hamko sitaara laga yuñ to chehre hi chehre the duniya men par ek teraa hi chehra piyaara laga palkon pe meri rakhkar qadam tum chalo pawn men chubh na jaa.e ki kankad priye

raaygaani main kamre men pichhle ikattees dinon se faqat is haqeeqat ka nuksaan ginne ki koshish men uljha hua hooñ ki tu ja chuki hai tujhe raaygaani ka ratti barabar andaaza nahin hai tujhe yaad hai vo zamaana jo campus ki pagdandiyon pe tahalte hue kat gaya tha tujhe yaad hai ki jab qadam chal rahe the ki ek pair teraa tha aur ek meraa qadam vo jo dharti pe aawaaz dete ki jaise ho raaga koi mutriboon ka qadam jaise ke sa pa ga ma pa ga sa re vo table ki tirakhat pe tak dhin dhinka dhin tink dhin dhana dhin bahm chal rahe the qadam chal rahe the qadam jo musalsal agar chal rahe the to kitne gavaiyon ke ghar chal rahe the magar jis gha dii tu ne us raah ko mere tanha qadam ke hawaale kiya un suron ki kahaanii wahin ruk gaii kitnii fankaariyaan kitnii baarikiyaan kitnii kaliyaan bilaaval gavaiyon ke honthon pe aane se pahle fana ho gaye kitne nusrat fateh kitne mehn dii hasan muntazir rah gaye ki hamaare qadam phir se uthne lagen tujhko maaloom hai jis gha dii meri awaaz sun ke tu ik zaaviye pe palat ke mu dii thii wahaan se relativity ka janaaza utha tha ki us zaaviye ki kashish men hi yoonan ke falsafe sab zamaanon ki tarteeb barbaad kar ke tujhe dekhne aa gaye the ki tere jhukaav ki tamsil pe apni seedhi lakeeron ko kham de saken apni ak dii hui gardanon ko liye apne vaqton men palten geometry ko janam de saken ab bhi kuchh falsafi apne feke zamaanon se bhaage hue hain mere raaston pe aañkhen bichhaaye hue apni daanisht men yuñ khade hain ki jaise vo daanish ka mamba yahiin pe kahii hai magar mud ke takne ko tu hi nahin hai to kaise florence ki tang galiyon se koi davinci uthe kaise hispania men picasso bane unki aankhoñ ko tu jo muyassar nahin hai ye sab tere mere ikatthe na hone ki qeemat ada kar rahe hain ki tere na hone se har ik zama men har ek fan men har ek dastaan men koi ek chehra bhi taza nahin hai tujhe raaygaani ka ratti barabar andaaza nahin hai

gumshuda in pahaadon ke peechhe door ghane junglon men is dariyaa ke us paar kaali andheri gufaon men ek pari rahtii thii jo ab vahaañ nahin hai ab vo mere dil men hai aur meraa dil ab bhi wahin hai jahaan vo pari rahtii thina dil kii khabar abna pari ka pata hai dono hi gumshuda hain

izhaar tu hi meri kaaynaat hai qayamat tak teraa intzaar hai mere alfaaz ki tarannum tujh hi pe qurbaan hain besabab tujhse ulfat hai har dam labon par teraa hi naam hai tu meri sehar tu hi shaam hai haya hai ishq zaahir nahin karte uljhe hue se jazbaat hain kashish hai tujh se aur tu hi anjaan hai mukhtasar hi sahi mulaqaat ho rab se yahii fariyaad hai dil ka kya kisi par bhi aa jaa.e yah parinda naadaan hai zamaana chhedega mujhe zamaana badaa ayyaar hai par aaj phir alfaazon se preet karta izhaar hai

“Khawab”

main mohabbat hooñ mere baad duniya ka kya hogaa ki main to mohabbat hooñ main shabri ke joothe labon se raam ke pet tak jaata bair hooñ jiske li.e krishna ne shaahi bhojan thukraaya main vidur ka kuber hooñ main har baar aata hooñ par jahaan mujhe pahchaan nahin paata agar pahchaan bhi le preet to theek se jaan nahin paata kahiin romeo-juliet ke markaz kii deewaar hooñ jise khodta hua farhaad mar gaya nahar ka vo paar hooñ jiske kinaaron par saagar-e-sahara hai jis men koii qais majnu ho kar gaam-b-gaam bhatak raha hai laila kii kalaaee hooñ main khayyaam kii rubaai hooñ main nazm-e-faiz hooñ main sabse tez hooñ main sayyaad hooñ chaak-e-qafs hooñ jism-o-dil ke darmiyaan hooñ ishq hooñ havas hooñ be-vafaaii ka KHuda hooñ wafaadaaro'n ka peer hooñ sab mujhse rahais-pazeer hain aur main sabka aseer hooñ mujh se sab kii ye haalat hai main haalaat se pashemaan hooñ main dast-e-zuleikha bhi hooñ main hi chaak-garebaan hooñ main meer-o-ghalib kii ghazal hooñ keechad hooñ kamal hooñ jo mere andar utre kabhi baahar na aane paa.e ki main to daldal hooñ main heer-raanjha ke markaz hijr hooñ mahboob kii gaali hooñ maa kii fikr hooñ main vo lafz jise sunkar shah bharii mehfil aurat ka pairhan utarta hai main vo dua jise padhne par koii krishna aa ke use bachaata hai main vo alfaaz jise ga kar jawaan sarhad paar se premika ko pukaarta hai main vo kangan jo vidhwa ke li.e virah ke geet gaata hai main shrungaar main hi virah geet hooñ duniya shayar jaane mujh...ko lekin main to preet hooñ meri duniya ko chaahat hai ki main rasm-e-adawat hooñ azaad kii goli hooñ bhagat singh kii bagaavat hooñ mere baad duniya ka kya hogaa ki main to mohabbat hooñ

tanhaaii hai tanhaaii hai tanhaaii hai gul hai gulaab hain har taraf bahaar hai khizaan men bhi rangat aayi haina jaane phir bhi kyon maayusi chhaai hai tanhaaii hai tanhaaii hai tanhaaii hai unki yaad aanaa jaise saans lena hai yah baat jaanleva hai unki tasveer kuchh aisi basi hai hamne unhen band aankhoñ se pahchaan lena hai yaadon ne unki hamaari beqaraari aur badhaai hai tanhaaii hai tanhaaii hai tanhaaii hai yaadon men unki ham roye ja rahe hain bewajah palken bhigoye ja rahe hain jo kabhi hamaare the hi nahin ham unke hue ja rahe hain kya karen apni maut hamne KHud bulaa'i hai tanhaaii hai tanhaaii hai tanhaaii hai